११ ते १६ ऑगस्ट च्या सकाळी अज्ञात इसमाने मधुकर जनार्दन सावंत (वय ५०, रा. पिराची कुरोली, ता. पंढरपूर) यांच्या डोक्यास मारून त्याच्या अंगास काळ्या दोरीने दगड बांधून शांताबाई दामोदर सावंत यांच्या शेतातील विहिरीच्या पाण्यात टाकून पुरावा नष्ट करण्याचा प्रयत्न केला होता. याबाबत सागर माणिक सावंत (वय २६, रा. पिराची कुरोली) यांनी पंढरपूर ग्रामीण पोलीस ठाण्यात तक्रार दिल्याने गुन्हा नोंदला होता.
याप्रकरणी एलसीबीने अनिल हनुमंत सावंत यास ताब्यात घेतले. त्याच्याकडे विचारपूस केल्यानंतर त्याचा गुन्ह्यात सहभाग दिसून आला. त्यानंतर त्याला गुरुवारी रात्री अटक केली. शुक्रवारी न्यायालयासमोर हजर केले असता न्यायाधीशांनी त्याला चार दिवस पोलीस कोठडी सुनावली आहे.
ही कारवाई उपविभागीय पोलीस अधिकारी विक्रम कदम यांच्या मार्गदर्शनाखाली पोलीस निरीक्षक धनंजय जाधव, फौजदार गोदे, हवालदार शेंडगे, जाधव, शेख, सय्यद एलसीबीचे सहायक पोलीस निरीक्षक मांजरे, हवालदार गोलेकर, गाडे, हवालदार, भोगे, पोलीस दळवी, शेख यांनी केली.