अ‍ॅप्पलने गेल्या महिन्यात आपली iPhone 13 सीरीज लाँच केली आहे. ही कंपनीची फ्लॅगशिप सीरिज आहे, जिची किंमत जास्त असते. परंतु अ‍ॅप्पलचे चाहते आता एसई सीरिजची वाट बघत आहेत. कारण ही कंपनीची स्वस्त सीरिज आहे. या सीरिजमध्ये कंपनी यावर्षी Apple iPhone SE 3 लाँच करणार आहे. या फोनची माहिती अनेक लिक्स आणि रिपोर्ट्समधून समोर आली आहे.
iPhone SE 3 चे कॉन्सेप्ट रेंडर काही दिवसांपूर्वी लीक झाला होते. या लीकनुसार हा फोन डिजाईनच्या बाबतीत जुन्या iPhone SE 2020 सारखा असेल. परंतु Macotakara ने दिलेल्या माहितीनुसार कंपनी हा फोन कनेक्टिविटी आणि स्पेसिफिकेशन्सच्या बाबतीत अपग्रेड करण्यात येईल.
रिपोर्ट्सनुसार, आगामी Apple iPhone SE 3 मध्ये 5G कनेक्टिविटी मिळू शकते. 5G कनेक्टिव्हिटी असलेला हा पहिला iPhone SE फोन असेल. या फोनची परफॉर्मन्स सुधारण्यासाठी कंपनी यात A15 Bionic चिपसेट देऊ शकते. हा चिपसेट कंपनीने नुकत्याच लाँच झालेल्या iPhone 13 series मध्ये देखील वापरला आहे. त्याचबरोबर नेटवर्क बूस्टसाठी डिवाइसमध्ये क्वालकॉमचा स्नॅपड्रॅगन X60 5G मॉडेम देण्यात येईल.
इतर स्पेक्स पाहता हा फोन फिजिकल सिम आणि eSIM सपोर्टसह सादर केला जाऊ शकतो. यात 4.7-इंचाचा डिस्प्ले असेल. तसेच फ्रंट पॅनलवरील होम बटन टचआयडी सेन्सरचे देखील काम करेल. याव्यतिरिक्त इतर कोणतीही माहिती अजूनतरी समोर आलेली नाही. तसेच कंपनी हा फोन कधी सादर करेल हे देखील समजले नाही.