इलॉन मस्क यांनी ट्विटर(Twitter) ताब्यात घेताच मोठे निर्णय घेण्यास सुरूवात केली. आधी सीईओ पराग अग्रवाल यांना काढून टाकले. यानंतर काही दिवसातच अनेक कर्मचाऱ्यांनाही घरचा रस्ता दाखवला. आता इलॉन मस्क यांनी मोठा निर्णय घेतला आहे. मस्क यांनी आता काढून टाकलेल्या कर्मचाऱ्यांना पुन्हा कामावर बोलावले आहे. चुकून कामावरुन काढले असल्याचे सांगितले जात आहे.
ट्विटरमध्ये नवे बदल करण्यासाठी जुन्या कर्मचाऱ्यांच्या अनुभवाचा वापर होऊ शकतो. "ट्विटरने अलीकडेच ट्रस्ट आणि सिक्युरिटी टीमच्या कर्मचार्‍यांसह ५०% कर्मचार्‍यांना कामावरून काढून टाकले आहे.
ट्विटमध्ये असे म्हटले आहे की संप्रेषण, सामग्री क्युरेशन, मानवाधिकार आणि मशीन लर्निंग एथिक्ससाठी जबाबदार असलेल्या टीममधील काही उत्पादन आणि इंजिनिअर टीममध्ये होते. ट्विटरने, शनिवारी अॅपलच्या फोनमध्ये ट्विटर ब्लू व्हेरिफिकेशन वापरणाऱ्यांसाठी ८ डॉलर प्रति महिने द्यावे लागणार आहेत.
Elon Musk यांचं नवं फर्मान! 'Parody' अकाउंट सस्पेंड केलं जाणार, नाव बदललं तर ब्लू टिकही होणार गायब!
ओळख बदलणारे खाते बंद केली जाणार आहेत.हे खाते बंद करण्यापूर्वी ट्विटरने एक सूचना जारी केली आहे.
Parody' अकाउंट सस्पेंड केलं जाणार
इलॉन मस्क (Elon Musk) यांनी ट्विटमध्ये म्हटले आहे की, आपली ओळख बदलणारे प्रत्येक अकाउंट सस्पेंड केले जाईल. पॅरोडी अकाउंट असल्यास ते पॅरोडी अकाउंट आहे असे स्पष्टपणे लिहावे, अन्यथा कोणाचे नाव किंवा फोटो वापरणारे अकाउंट सस्पेंड केले जाईल. आम्ही अकाउंट सस्पेंड करण्यापूर्वी एक चेतावणी दिली होती, परंतु आता आम्ही व्यापक पडताळणी सुरू करत आहोत. त्यानुसार, कोणतीही चेतावणी दिली जाणार नाही आणि अकाउंट थेट सस्पेंड केले जाईल. तसेच ट्विटर ब्लूवर साइन अप करण्याची अट म्हणून हे स्पष्टपणे ओळखले जाईल असे इलॉन मस्क यांनी म्हटले आहे.
याशिवाय, जर कोणी ट्विटर युजरनेम बदलले तर त्याचे ब्लू टिक तात्पुरते काढून टाकले जाईल, असेही इलॉन मस्क यांनी म्हटले आहे. दरम्यान, अलीकडे असे देखील दिसून आले आहे की, अनेक अकाउंट सस्पेंड केली गेली आहेत, जी दुसऱ्याचे पॅरोडी अकाउंट म्हणून काम करत आहेत. खरंतर, इलॉन मस्क यांच्या नावानेही अनेक ट्विटर अकाउंट्स सुरू होती, जी सतत सस्पेंड केली जात आहेत. असेच एक पॅरोडी अकाउंट इलॉन मस्क यांच्या नावाने हिंदी भाषेतही चालू होते. ते अकाउंट इयान वूलफोर्डचे (Ian Woolford) होते, हे अकाउंट देखील सस्पेंड करण्यात आले आहे.