फेसबुकमधील बगमुळे लाखो लोकांचे फॉलोअर्स रातोरात गायब झाले आहेत. मेटा सीईओ मार्क झुकरबर्ग देखील यातून सुटलेला नाही. मार्क झुकरबर्गचे केवळ 9,993 फॉलोअर्स उरले आहेत. या फॉलोअर्सची संख्या त्याच्या पेजवर पाहता येईल.
इतर अनेक युझर्सनंदेखील अचानक फॉलोअर्सची संख्या कमी झाल्याबद्दल तक्रार केली आहे. बनावट फॉलोअर्सच्या छाटणीचा हा परिणाम असल्याचे म्हटले जात आहे. त्यामुळे मार्क झुकरबर्गचे सर्व फॉलोअर्सही बनावट होते का? असा प्रश्न उपस्थित होत आहे.
दरम्यान, यानंतर अनेक नेटकऱ्यांनी फेसबुकला ट्रोल केलं. काहींनी मिम्स शेअर करत या प्रकाराची खिल्ली उडवली. झुकरबर्गला कोणत्यातरी ज्योतिषानं अशुभ अंक सांगितला आहे. त्यामुळे एका रात्री त्यानं सर्वांना 9 हजारांच्या आत आणलं असं म्हणत एका युझरनं यावर खिल्ली उडवली.