गुगलने आपल्या बहुप्रतीक्षित Pixel 6 सीरीजच्या लाँच डेटची घोषणा केली आहे. गुगलचे आगामी फ्लॅगशिप पिक्सल डिवाइस 19 ऑक्टोबरला लाँच करण्यात येतील. या सीरिज अंतर्गत Pixel 6 आणि Pixel 6 Pro असे दोन फोन कंपनी सादर करणार आहे, याची माहिती कंपनीने याआधीच दिली होती. गुगलने या फोन्सच्या प्रोसेसरची माहिती देखील लाँचपूर्वी सांगितली आहे.
Google Pixel 6 सीरिज 19 ऑक्टोबरला जागतिक बाजारात लाँच करण्यात येईल. या सीरिजमध्ये कंपनी प्रथमच आपल्या प्रोसेसरचा वापर करणार आहे. कंपनीने डेव्हलप केलेला टेन्सर प्रोसेसर आगामी पिक्सेल फोन्सना ताकद देईल.
Google Pixel 6 सीरिजचे स्पेसिफिकेशन्स
Pixel 6 स्मार्टफोनमध्ये 6.4-इंचाचा फुल एचडी+ अ‍ॅमोलेड डिस्प्ले 90Hz रिफ्रेश रेटसह देण्यात येईल. तर Pixel 6 Pro मधील 6.7-इंचाचा QHD+ अ‍ॅमोलेड कर्व डिस्प्ले 120Hz रिफ्रेश रेटला सपोर्ट करेल. वर सांगितल्याप्रमाणे गुगलच्या फ्लॅगशिप स्मार्टफोनमध्ये Tensor चिपसेट मिळेल.
फोटोग्राफीसाठी पिक्सल 6 स्मार्टफोनमध्ये ड्युअल रियर कॅमेरा सेट असेल. तर प्रो व्हर्जन ट्रिपल रियर कॅमेरा सेटअपसह बाजारात येईल. हे दोन्ही फोन्स गुगलच्या नव्याकोऱ्या Android 12 ऑपरेटिंग सिस्टमवर चालतील. लीकनुसार, दोन्ही स्मार्टफोनमध्ये 50MP Samsung GN1 सेन्सर देण्यात येईल. त्याचबरोबर 12MP Sony IMX286 अल्ट्रावाईड कॅमेरा मिळू शकतो. प्रो मॉडेलमध्ये 4X झूम सपोर्ट असलेला 48MP Sony IMX586 टेलीफोटो कॅमेरा सेन्सर मिळू शकतो.
कंपनी या फोनच्या किंमतीची अधिकृत माहिती दिली नाही. मीडिया रिपोर्टनुसार Pixel 6 स्मार्टफोनची किंमत 649 यूरो (सुमारे 56,000 रुपये) पासून सुरू होईल. Pro व्हेरिएंटची किंमत 899 यूरो (सुमारे 77,000 रुपये) पासून सुरु होऊ शकते.