गेल्या आठवड्यात Google Pixel 6 आणि 6 Pro स्मार्टफोनच्या लाँचची माहिती गुगलने दिली होती. गुगलने सांगितले होते कि हे दोन्ही स्मार्टफोन कंपनीच्या नव्या Tensor चिपसेटसह बाजारात येतील. या स्मार्टफोनची डिजाईन देखील तेव्हा समोर आली होती. आता टेक कम्युनिटी XDA ने आपल्या लेटेस्ट रिपोर्टमध्ये Google Pixel 6 स्मार्टफोनच्या कॅमेरा आणि मुख्य कनेक्टिविटी मॉडेमची माहिती दिली आहे. वेबसाईटच्या रिपोर्टनुसार Pixel 6 स्मार्टफोनमध्ये 50 मेगापिक्सलचा मुख्य कॅमेरा देण्यात येईल हा एक सॅमसंग सेन्सर असेल. त्याचबरोबर या फोनमध्ये Exynos 5123 5G मॉडेम देण्यात येईल.
XDA ने या स्पेसिफिकेशन्सची माहिती Android 12 प्रीव्यू रिलीजच्या माध्यमातून मिळवली आहे. लेटेस्ट अँड्रॉइड 12 बीटामधील प्रीलोडेड गुगल कॅमेरा अ‍ॅपच्या माध्यमातून ही माहिती मिळाली आहे. Google Camera APK च्या कोडमधून समजले कि गुगलच्या आगामी स्मार्टफोनमध्ये Samsung GN1 वाईड कॅमेरा सेन्सर दिला जाईल. सॅमसंगचा GN1 नवीन 50 मेगापिक्सलचा सेन्सर आहे जो ड्युअल पिक्सल ऑटोफोकसला सपोर्ट करतो.
Android 12 beta कोड्समधून पिक्सल फोनमधील Samsung Exynos 5123 मॉडेमचा खुलासा झाला आहे. हा सॅमसंगचा फ्लॅगशिप 5G मॉडेम आहे, जो Sub-6 आणि mmWave अश्या दोन्ही कनेक्टिव्हिटीना सपोर्ट करतो. या मॉडेमला Google Tensor चिपसेटची जोड देण्यात येईल. Google Pixel 6 स्मार्टफोनमध्ये 6.4-इंचाचा 90Hz अ‍ॅमोलेड डिस्प्ले दिला जाऊ शकतो. तसेच Pixel 6 Pro स्मार्टफोनमध्ये 6.7-इंचाचा QHD+ 120Hz अ‍ॅमोलेड डिस्प्ले मिळू शकतो.