Apple iPhone 15 सीरीज अलीकडेच लाँच झाली आहे आणि वापरकर्ते उत्साहाने ते खरेदी करत आहेत. iPhone 15, iPhone 15 Plus, iPhone 15 Pro किंवा iPhone 15 Pro Max सर्वच फोनची विक्रमी विक्री सुरू आहे. सर्व मॉडेल्सची मोठ्या प्रमाणात विक्री होत आहे. यावेळी, आयफोन 15 सीरीजमधील लाइटनिंग पोर्ट काढून टाकण्यात आला आहे आणि त्याच्या जागी सी प्रकारचा चार्जिंग पोर्ट देण्यात आला आहे. अशा परिस्थितीत, आयफोन 15 सीरीजचा फोन Android च्या C-Type ने चार्ज करता येईल का, असा प्रश्न काही लोकांच्या मनात निर्माण होत आहे. अशा परिस्थितीत आज आम्ही तुम्हाला याबाबत योग्य माहिती देणार आहोत जेणेकरून तुमचे कोणतेही नुकसान होऊ नये.
अँड्रॉइड चार्जरने आयफोन चार्ज करता येईल का?
तुम्ही तुमच्या iPhone 15 ला कोणत्याही Android C प्रकारच्‍या केबलने चार्ज करू शकता आणि हे पूर्णपणे खरे आहे. इतकंच नाही तर C टाइप पॉवर बँक वापरून तुम्ही तुमचा iPhone 15 देखील चार्ज करू शकता आणि या सीरिजमध्ये उपस्थित असलेले सर्व फोन या पद्धतींद्वारे चार्ज केले जाऊ शकतात. हे फक्त आयफोनच्या मदतीने करता येते असे कोणी तुम्हाला सांगितले तर त्यावर अजिबात विश्वास ठेवू नका.
'या' गोष्टींची घ्या विशेष काळजी
तुम्ही तुमचा iPhone 15 कोणत्याही Android स्मार्टफोनच्या चार्जरने चार्ज करू शकता जर ते Type C ला सपोर्ट करत असेल, परंतु एक अट आहे जी तुम्ही स्वीकारणे खूप महत्वाचे आहे. तुम्ही जी काही बॅटरी किंवा चार्जर वापरत आहात ती कंपनीने प्रमाणित केलेली असावी आणि ती डुप्लिकेट किंवा लोकल नसावा. कारण असे झाल्यास तुमच्या iPhone 15 मध्ये फोन गरम होण्याच्या समस्या दिसू शकतात. तसेच जास्त काळ चार्जिंग सुरू राहिल्यास आयफोनची बॅटरी ओव्हरचार्ज होऊन ती खराब होण्याचीही शक्यता आहे.