गेल्या आठवड्यात Oppo K10 5G स्मार्टफोन भारतात सादर करण्यात आला होता. या मिडरेंज फोनमध्ये 8GB RAM, 5000mAh ची बॅटरी, 48MP कॅमेरा आणि 33W फास्ट चार्जिंग देण्यात आली आहे. आजपासून या हँडसेटची विक्री सुरु होणार आहे. फोनवर इतक्या ऑफर्स आहेत की 17,499 रुपयांच्या ऐवजी तुम्ही हा फक्त 3,499 रुपयांमध्ये विकत घेऊ शकता.
Oppo K10 5G ची किंमत
Oppo K10 5G चा एकच व्हेरिएंट 8GB RAM आणि 128 GB स्टोरेजसह 17,499 रुपयांमध्ये फ्लिपकार्टवर उपलब्ध झाला आहे. फोनवर SBI किंवा बँक ऑफ बडोदाच्या कार्ड धारकांना 1,500 रुपयांची सूट मिळेल. फोनवर 12,500 रुपयांची एक्सचेंज ऑफर देखील आहे. योग्य असा जुना स्मार्टफोन एक्सचेंज केल्यास तुम्ही हा नवाकोरा Oppo K10 5G स्मार्टफोन फक्त 3,499 रुपयांमध्ये घरी आणू शकता.
Oppo K10 5G चे स्पेसिफिकेशन्स
Oppo K10 5G स्मार्टफोनमध्ये 1612×720 पिक्सल रिजोल्यूशन असलेला 6.56 इंचाचा HD+ Incell LCD डिस्प्ले देण्यात आला आहे. जो 89.8 टक्केस्क्रीन टू बॉडी रेशियो, 20.1:9 अस्पेक्ट रेशियो आणि 90Hz रिफ्रेश रेटला सपोर्ट करतो. फोनमध्ये Mediatek Dimensity 810 प्रोसेसर देण्यात आला आहे. तसेच हा डिवाइस Android 12 बेस्ड ColorOS 12.1 वर चालतो. यात 8GB RAM आणि 128GB इंटरनल स्टोरेज मिळते. यातील स्टोरेज 1TB पर्यंत तर रॅम 5GB पर्यंत वाढवता येतो.
Oppo K10 5G मध्ये ड्युअल रियर कॅमेरा सेटअप देण्यात आला आहे. यात 48MP चा मेन कॅमेरा आणि 2MP चा दुसरा कॅमेरा आहे. सेल्फी आणि व्हिडीओ कॉलिंगसाठी फोनच्या फ्रंटला 8MP चा कॅमेरा मिळतो. बेसिक कनेक्टिव्हिटी फीचर्ससह एम्बिएंट लाईट , प्रॉक्सिमिटी, जियोमॅग्नेटिक सेन्सर आणि एक्सेलेरोमीटर फिचर मिळतं. ओप्पोच्या या स्मार्टफोनमध्ये 33W SuperVOOC फास्ट चार्जिंगसह 5000mAh ची बॅटरी देण्यात आली आहे.