झेडटीई कंपनीच्या नुबिया झेड १७ मिनी या स्मार्टफोनमध्ये अत्यंत गतीमान असा ऑक्टा-कोअर क्वॉलकॉम स्नॅपड्रॅगन ६५३ प्रोसेसर देण्यात आला आहे. याची रॅम सहा जीबी तर इनबिल्ट स्टोअरेज १२८ जीबी असून ते मायक्रो-एसडी कार्डच्या मदतीने २०० जीबीपर्यंत वाढविता येईल. यात ड्युअल कॅमेरा सेटअप आहे. अर्थात याच्या मागील बाजूस प्रत्येकी १३ मेगापिक्सल्स क्षमतांचे दोन कॅमेरे असतील. यातील एक कॅमेरा मोनोक्रोम तर दुसरा आरजीबी या प्रकारातील असेल. याच्या मदतीने अतिशय उत्कृष्ट दर्जाची छायाचित्रे काढता येतील असा कंपनीचा दावा आहे. यात अल्ट्रा फास्ट फोकस हे विशेष फिचरदेखील असेल. ते सेल्फीसाठी यात तब्बल १६ मेगापिक्सल्स क्षमतेचा कॅमेरा असेल.
नुबिया झेड १७ मिनी या स्मार्टफोनमध्ये ५.२ इंच आकारमानाचा आणि फुल एचडी म्हणजेच १९२० बाय १०८० पिक्सल्स क्षमतेचा डिस्प्ले असेल. याला मेटलची युनिबॉडी प्रदान करण्यात आली असून फिंगरप्रिंट स्कॅनरची सुविधादेखील असेल. यात फास्ट चार्जींग असणारी २९५० मिलीअँपिअर प्रति-तास या क्षमतेची बॅटरी देण्यात आली असून हे मॉडेल अँड्रॉइडच्या मार्शमॅलो या आवृत्तीवर चालणारे असून यावर कंपनीचा नुबिया ४.० युजर इंटरफेस असेल.
नुबिया झेड १७ मिनी हा स्मार्टफोन २१,४९९ रूपये मूल्यात उपलब्ध करण्यात आला असून हे मॉडेल ग्राहकांना अमेझॉन इंडिया या शॉपींग पोर्टलवरून खरेदी करता येईल.