आजच बातमी आली आहे कि शाओमीने आपल्या सर्वात पॉवरफुल आणि अल्ट्रा प्रीमियम स्मार्टफोन Mi 11 Ultra ची भारतातील विक्री बंद केली आहे. आगामी फ्लॅगशिपवर लक्ष केंद्रित करण्यासाठी कंपनीने हा निर्णय घेतल्याची माहिती देण्यात आली आहे. तर आता आगामी Xiaomi 12 स्मार्टफोन भारतीय सर्टिफिकेशन साईटवर लिस्ट झाल्याची बातमी आली आहे.
Xiaomi 12 कंपनीचा फ्लॅगशिप स्मार्टफोन असेल. जो Qualcomm च्या आगामी फ्लॅगशिप चिपसेटसह लाँच होणारा जगातील पहिला स्मार्टफोन असेल. कंपनी हा फोन Snapdragon 898 चिपसेटसह सादर करू शकते. आता Xiaomi 12 स्मार्टफोनला ब्यूरो ऑफ इंडिया स्टँडर्ड (BIS) कडून सर्टिफिकेशन मिळाले आहे, त्यामुळे या फोनचा भारतीय लाँच निश्चित झाला आहे.
Xiaomi 12 चे संभाव्य स्पेसिफिकेशन्स
लिक्स आणि रिपोर्ट्समधून Xiaomi 12 ची माहिती समोर आली आहे. त्यानुसार या फोनमध्ये LTPO डिस्प्ले अ‍ॅडेप्टिव रिफ्रेश रेटसह देण्यात येईल. वर सांगितल्याप्रमाणे यात Qualcomm Snapdragon 898 चिपसेट मिळेल.त्याचबरोबर 12GB पर्यंतचा LPDDR5x RAM आणि 512GB पर्यंतची UFS 3.1 स्टोरेज देण्यात येईल. हा मोबाईल Android 12 आधारित MIUI वर चालेल. तसेच यातील 5000mAh ची बॅटरी 120W वायर्ड आणि 50W वायरलेस फास्ट चार्जिंगला सपोर्ट करेल.
मिळलेल्या दिलेल्या माहितीनुसार आगामी Xiaomi फ्लॅगशिप सीरीजमध्ये 50MP ट्रिपल रियर कॅमेरा सेटअप दिला जाऊ शकतो. या फोनमध्ये प्रायमरी कॅमेरा 50MP चा असेल. त्याचबरोबर 50MP चा अल्ट्रावाईड सेन्सर आणि 50 मेगापिक्सलचा टेलीफोटो कॅमेरा दिला जाऊ शकतो. हे सेन्सर ऑप्टिकल इमेज स्टॅबिलायजेशनसह येतील. तसेच यात 1920fps स्लो मोशन व्हिडीओ शूट करण्याचा पर्याय मिळेल.