'ढोलकीच्या तालावर' विशाखा सुभेदारने केला अफलातून डान्स; एनर्जी लेव्हल पाहून चाहते झाले थक्क

Vishakha subhedar: तिला डान्सची विशेष आवड असून ती बऱ्याचदा तिच्या डान्सचे व्हिडीओही नेटकऱ्यांसोबत शेअर करते.

 छोट्या पडद्यावरील महाराष्ट्राची हास्यजत्रा(Maharashtrachi Hasyajatra) या शोच्या माध्यमातून घराघरात पोहोचलेली लोकप्रिय अभिनेत्री म्हणजे विशाखा सुभेदार(vishakha subhedar). आपल्या विनोदबुद्धीच्या जोरावर प्रेक्षकांचं मनोरंजन करणारी विशाखा उत्तम अभिनेत्री असून तिने अनेक गाजलेल्या सिनेमांमध्येही काम केलं आहे. त्यामुळे सोशल मीडियावर तिची कायमच चर्चा रंगत असते. यामध्येच सध्या तिचा एक डान्स व्हिडीओ व्हायरल झाला आहे.

विशाखा कलाविश्वाप्रमाणेच सोशल मीडियावरही प्रचंड सक्रीय आहे. त्यामुळे कोणताही नवा ट्रेंड आला की ती तो फॉलो करते. इतकंच नाही तर तिला डान्सची विशेष आवड असून ती बऱ्याचदा तिच्या डान्सचे व्हिडीओही नेटकऱ्यांसोबत शेअर करते.

View this post on Instagram

A post shared by Vishakha Subhedar (@subhedarvishakha)

अलिकडेच विशाखाने शुभविवाह या मालिकेतील तिची सहकलाकार मृणाल देशपांडे हिच्यासोबतचा एक डान्स व्हिडीओ शेअर केला. या व्हिडीओमध्ये या दोघी ढोलकीच्या तालावर या गाण्यावर डान्स करताना दिसत आहेत. विशेष म्हणजे यावेळी विशाखाची एनर्जी लेव्हल पाहून नेटकऱ्यांनी तिच्यावर कौतुकाचा वर्षाव केला आहे.

दरम्यान, विशाखाला नृत्याची विशेष आवड असून ती कायम तिच्या डान्सचे व्हिडीओ शेअर करत असते. विशाखा मराठीतील गुणी अभिनेत्री आहे. तिने 'महाराष्ट्राची हास्यजत्रा', ‘फु बाई फू’ आणि ‘कॉमेडीची बुलेट ट्रेन’  या शोसोबतच काही सिनेमांमध्येही काम केलं आहे. यात ‘फक्त लढ म्‍हणा’ , ‘४ इडियट्स,‘अरे आवाज कोनाचा’ ,‘ये रे ये रे पैसा’आणि ६६ सदाशिव या चित्रपटांमध्ये काम केलं आहे.