इंडियन वेल्स (यूएस) : जागतिक क्रमवारीत अव्वल स्थानी असलेल्या स्विझर्लंडच्या रॉजर फेडररने सहाव्या वेल्स मास्टर्स टेनिस स्पर्धेच्या चौथ्या फेरीत प्रवेश केला. दुसरीकडे महिलांच्या गटात अमेरिकन ओपनची विजेती स्लोएने स्टीफेन्स व कॅरोलिना वोज्नियाकी यांनी प्रतिस्पर्ध्यांना आणि व्हीनस विल्यम्सने आपली बहीण सेरेनाला पराभूत केले.पुरुषांच्या एकेरीत ३६ वर्षीय फेडररने सर्बियाच्या फिलीप क्राजिनोव्हिचला ५८ मिनिटांत ६-२, ६-१ गुणांनी सरळ दोन सेटमध्ये घरी पाठविले. फेडररचा पुढील सामना जेरामी चार्डीविरुद्ध होणार आहे. ज्याने फ्रान्सच्या एड्रियन मानारिनोला ७-५, ४-६, ६-१ असे पराभूत केले. दुसरीकडे टेलर फ्रिट्जने फर्नांडो वर्डास्कोला ४-६, ६-२, ७-६, क्रोएशियाच्या बोरना कोरिचने रॉबर्टो बातिस्ताला ६-१, ६-३ गुणांनी नमविले. महिलांच्या गटात व्हीनस विल्यम्सने आपली बहीण सेरेनाला ६-३, ६-४ असे नमविले. अमेरिकन ओपनची विजेती स्लोएने स्टीफेन्सकडून जागतिक क्रमवारीत १३ व्या क्रमांकावर असलेल्या डोरिया कासात्किनाला ४-६, ३-६ पराभूत व्हावे लागले. दुसरीकडे कॅरोलिना वोज्नियाकीने अलेक्जेंद्रा सेस्नोव्हिचला ६-४, २-६, ६-३ असे पराभूत करून चौथ्या फेरीत प्रवेश केला.
फेडरर, कॅरोलिना चौथ्या फेरीत
By लोकमत न्यूज नेटवर्क | Published: March 14, 2018 4:26 AM