शहरं
Join us  
Trending Stories
1
प्रचारसभेहून परतत असताना वाहनावर दगडफेक; अनिल देशमुख जखमी, उपचारांसाठी रुग्णालयात दाखल
2
आपला उमेदवार १ नंबर, यादीत नाव १ नंबर, लीड १ नंबर लागली पाहिजे; रितेश देशमुखचा लय भारी प्रचार
3
“काँग्रेसचे कायम कुटुंबाला प्राधान्य, पण आमच्यासाठी राष्ट्र प्रथम”; CM मोहन यादव यांची टीका
4
'लोकशाहीचे धिंडवडे...', अनिल देशमुखांवरील हल्ल्याचा शरद पवार गटाकडून निषेध
5
“विश्वजित कदम यांच्यात मुख्यमंत्री होण्याची क्षमता, दीड लाखांहून अधिक मतांनी विजयी होतील”
6
2 तास पाठलाग अन् पाकिस्तानी जहाजावरून भारतीय मच्छिमारांची सुटका! इंडियन कोस्ट गार्डनं दाखवला दम
7
“अजितवर अन्याय, तो काय सोसतोय हे मला माहिती आहे”; आई आशाताई पवारांचा पत्राद्वारे संवाद
8
यंदा बारामती अंडरकरंट! दोन्ही पवारांच्या सभांना तोबा गर्दी, कोणालाच थांगपत्ता लागेना...
9
“...तर उद्या सकाळी निवडणुकीतून माघार घेईन”; दिलीप वळसे पाटलांचे खुले आव्हान
10
'ही राष्ट्रीय आणीबाणी', मुख्यमंत्री आतिशी यांनी दिल्लीतील प्रदूषणाचे खापर केंद्रावर फोडले
11
हो..., मी सोन्याचा चमचा घेऊन जन्माला आले, पण...; सुप्रिया सुळे स्पष्टच बोलल्या
12
गोरगरीब धारावीकरांना पक्के घर मिळू नये हीच राहुल गांधींची इच्छा; भाजपाचा घणाघाती आरोप
13
याला म्हणतात पैशांचा पाऊस...! ₹4 चा शेअर 4 महिन्यांत ₹282631 वर पोहोचला, गुंतवणूकदारांना केलं मालामाल
14
मुंबई पोलिसांना मोठे यश! लॉरेंस बिश्नोईच्या भावाला अमेरिकेत अटक; भारतात आणणार
15
'छोटा पोपटने काँग्रेसला बरबाद केले', राहुल गांधींच्या 'सेफ' विधानावर भाजपचा पलटवार
16
मणिपूरमध्ये कोकोमीचे मोठे प्रदर्शन, सरकारी कार्यालयांना टाळे; आता सात जिल्ह्यांत इंटरनेट बंद करण्यात
17
“खरगेंच्या गावात सोयाबीनला ३८०० चा दर, काँग्रेस निवडणुकांनंतर आश्वासन विसरते”: फडणवीस
18
Maharashtra Vidhan Sabha Election 2024 : 'हसन मुश्रीफ गाडला जाणार', शरद पवारांसाठी बहीण सरोज पाटील मैदानात, विरोधकांवर हल्लाबोल
19
“लोकांचे प्रश्न सोडवायची धमक, पुढच्या पिढीची गरज, युगेंद्रला निवडून द्या”: शरद पवार
20
“२ लाखांच्या लीडने विजयी होतील, बारामतीकरांनी ठरवलेय की अजितदादांना CM करायचे”: जय पवार

पोलीस कर्मचाऱ्याच्या दक्षतेमुळे वाचले ७० वर्षीय आजीबाईंचे प्राण

By लोकमत न्यूज नेटवर्क | Published: March 07, 2021 4:37 AM

ठाणे : ठाणे शहरातील एकट्यादुकट्या राहणाऱ्या वयोवृद्ध नागरिकांची आपुलकीने विचारपूस करण्यापासून ते त्यांच्या औषधोपचारांची योग्य काळजी घेण्याचे काम ठाणे ...

ठाणे : ठाणे शहरातील एकट्यादुकट्या राहणाऱ्या वयोवृद्ध नागरिकांची आपुलकीने विचारपूस करण्यापासून ते त्यांच्या औषधोपचारांची योग्य काळजी घेण्याचे काम ठाणे शहर पोलीस चोख करीत आहे. त्याची प्रचीती नुकत्याच एका घटनेवरून आली आहे. ठाण्यात राहणाऱ्या परंतु गावी कोकणात गेलेल्या ७० वर्षीय आजीबाईं तोल जाऊन पडल्यानंतर त्यांनी कोणताही विचार न करता थेट ठाण्यातील कोपरी पोलीस स्टेशनचे संजीवन राणे यांच्याशी संपर्क साधला. त्यावेळी राणे यांनी घटनेचे गांभीर्य ओळखून तेथील डॉक्टरांशी संवाद साधून त्यांना रुग्णवाहिका उपलब्ध करून ठाणे येथे पाठविण्यास सांगितले. त्यावेळी दुसरीकडे त्यांनी ठाण्यात एका खासगी रुग्णालयात त्यांना दाखल करून त्यांच्यावर योग्य उपचार केल्याने त्यांचे प्राण वाचले.

ठाणे पोलीस आयुक्तांनी पोलीस आयुक्तालय क्षेत्रात एकट्यादुकट्या राहणाऱ्या वयोवृद्ध नागरिकांची काळजी घेण्याबरोबरच त्यांना काय हवे नको, याची काळजी घेण्याच्या सूचना सर्वच स्थानिक पोलीस स्टेशनला दिल्या आहेत. त्यामुळे वयोवृद्ध नागरिकांची नियमित विचारपूस करण्यासाठी जाणाऱ्या पोलीस कर्मचाऱ्यांशी आपुलकीचे नाते तयार झाले आहे. याच आपुलकीच्या नात्यांतून एका वयोवृद्ध आजीबाईंची आपल्या आईप्रमाणे काळजी घेऊन त्यांना जीवनदान देण्याचे काम राणे यांनी केले आहे. कोपरी पोलीस ठाण्याच्या हद्दीत राहणाऱ्या प्रतिभा पालव (७०) या कोकणातील सिंधुदुर्ग या गावी गेल्या होत्या. त्यांना तेथून पुन्हा ठाण्यात यायचे असल्याकारणाने त्या तिकीट काढण्यासाठी सिंधुदुर्ग येथील तिकीट बुकिंग केंद्रावर गेल्या होत्या. त्यावेळी त्यांनी राणे यांच्याशी संपर्क साधून कोपरी परिसरात कोरोनाची स्थिती जाणून घेऊन ठाण्यात येण्याबाबत विचारणा केली. याच दरम्यान त्यांचा तोल गेल्याने त्या खाली पडल्याने त्यांच्या मांडीचे हाड तुटले. त्यावेळी तेथील स्थानिक डॉक्टरांकडे गेले असता, रुग्णालयात दाखल व्हावे लागेल. तसेच सहा महिने आरामदेखील करावा लागेल, असे सांगितले. त्यावेळी त्यांनी आपल्या नातेवाइकांना संपर्क न साधता थेट कोपरी पोलीस ठाण्याचे राणे यांना दूरध्वनी करून घटनेची माहिती दिली. त्यावेळी राणे यांनीदेखील सतर्कता दाखवून वरिष्ठ पोलीस निरीक्षक ममता डिसोझा यांच्याशी संपर्क साधून त्यांना माहिती दिली. त्यानंतर, राणे यांनी सिंधुदुर्ग येथील डॉक्टरांशी व त्यांच्या पुतण्याशी संपर्क साधून त्यांना रुग्णवाहिकेद्वारे ठाण्यात आणण्यास सांगितले. त्यांना ठाण्यातील ज्युपिटर रुग्णालयात दाखल करण्याबाबतची प्रक्रिया पूर्ण केली. त्यानंतर, त्यांच्यावर डॉक्टरांनी यशस्वी शस्त्रक्रिया केली. आता त्यांची प्रकृती उत्तम आहे. राणे यांनी केलेल्या कार्याचे सर्वच स्तरांतून कौतुक होत आहे.