मीरारोड - मीरा भाईंदर महापालिकेने सफाई व आरोग्य विभागातील कायम आणि कंत्राटी अश्या सुमारे 1500 कर्मचाऱ्यांची एंटीजन तपासणी केली असता त्यात 53 कंत्राटी सफाई कामगार हे कोरोना पॉझिटिव्ह आढळून आले आहेत .मीरा भाईंदर शहरातील दैनंदिन साफसफाई चे काम कंत्राटी सफाई कामगारां मार्फत केले जाते . त्यामुळे सदर कंत्राटी कामगारां सह मुकादम आदी सफाई कामातील कर्मचाऱ्यांना व वैद्यकीय विभागातील कर्मचाऱ्यांना कोरोना लागण चा धोका जास्त असल्याने त्यांची कोरोना चाचणी करून घेण्याची मागणी श्रमजीवी कामगार संघटनेचे कार्याध्यक्ष सुलतान पटेल यांनी पालिकेस सतत केली होती .कोरोना मुळे कंत्राटी सफाई कामगार व आरोग्य विभागातील कर्मचाऱ्याच्या मृत्यूचा प्रकार घडला होता . उशिराने का होईना अखेर पालिकेने आरोग्य विभागातील कंत्राटी सफाई कामगार , मुकादम , स्वच्छता निरीक्षक आदी सुमारे दिड हजार कंत्राटी व कायम कारंचार्यांची गेले दोन दिवस एंटीजन टेस्ट चालवली होती . या तपासणीत 53 सफाई कर्मचाऱ्यांना कोरोनाची लागण झाल्याचे आढळून आले आहे .कोरोनाची लागण झाल्याचे आढळून आल्याने 53 कर्मचाऱ्यांना उपचारासाठी पालिकेच्या कोविड केअर रुग्णालयात दाखल केले आहे . त्यांच्या उपचाराच्या काळातील पगार पालिका कापणार नसल्याचे उपायुक्त डॉ . संभाजी पानपट्टे यांनी सांगितले
coronavirus: मिरा-भाईंदर महानगरपालिकेचे 53 कंत्राटी सफाई कर्मचारी कोरोना पॉझिटिव्ह
By ऑनलाइन लोकमत | Published: August 18, 2020 6:30 PM