डोंबिवली पूर्व-पश्चिमेचा पाणी पुरवठा उद्या बंद राहणार

कल्याण-डोंबिवली महापालिकेतील डोंबिवली पूर्व-पश्चिमेला होणारा पाणी पुरवठा उद्या मंगळवारी चोवीस तास बंद ठेवण्यात

डोंबिवली- कल्याण-डोंबिवली महापालिकेतील डोंबिवली पूर्व-पश्चिमेला होणारा पाणी पुरवठा उद्या मंगळवारी चोवीस तास बंद ठेवण्यात येणार आहे अशी माहिती उपअभियंता अनिरूध्द सराफ यांनी दिली. डोंबिवलीला पाणी पुरवठा करणाऱ्या नेतिवली व मोहिली जलशुध्दीकरण केंद्रात देखभाल दुरूस्ती असल्याने आज रात्री १२ ते मंगळवार ३ जुलै रात्री १२ पर्यंत पाणी पुरवठा बंद ठेवण्यात येत असल्याचे त्यांनी सांगितले.पाणी पुरवठा चोवीस तास बंद ठेवण्यात येणार असल्याने नागरिकांनी पाण्याचा वापर जपून करावा व पुरेसा साठा करून ठेवण्याचे आवाहन त्यांनी केले. मात्र कल्याण येथे पाणी पुरवठा सुरू राहणार असल्याचे त्यांनी सांगितले.