- शाम धुमाळ
कसारा- नाशिकहून मुंबईकडे भरधाव वेगात जाणारा एचपी गॅस कंपनीच्या टँकरचा टायर फुटून अपघात झाला आहे. गॅस टँकर दुभाजक तोडून थेट मुंबई लेनवर जाऊन आटगाव-आसनगाव दरम्यान्या रेल्वे ट्रॅकवर गेला. सुदैवानं यावेळी रेल्वे ट्रॅकवरून कोणतीही गाडी जात नसल्यानं मोठा अनर्थ टळला.
आज संध्याकाळी 7 च्या सुमारास नाशिक मार्गे आलेला गॅस टँकर तुर्भे येथे गॅस भरण्यासाठी जात होता. भरधाव वेगात असतानाच टँकरचा टायर फुटला व त्यामुळे टँकर चालकाचे गाडीवरील नियंत्रण सुटले आणि तो थेट मुंबई-नाशिक लेनवरून समोरच्या रेल्वे ट्रॅक वर गेला. सुदैवाने अपघाता कोणतीही जीवितहानी झाली नाही. यामुळे मध्य रेल्वेची दोन्ही लेनची वाहतूक बंद करण्यात आली आहे.