उल्हासनगर : कॅम्प नं-३, रिजेन्सी हॉटेल जवळील पराडाईज इमारतीत राहणाऱ्या वयोवृद्ध लता जामनानी यांच्या घरात मेघा व कमल या दोन नोकरांनी कामाला होत्या. त्यांनी घरातील कपाटातून ७५ हजार किमतीचे सोन्याचे दागिने लंपास केले असून याप्रकरणी मध्यवर्ती पोलीस ठाण्यात गुन्हा दाखल झाला आहे.
उल्हासनगर कॅम्प नं-३, परडाईज इमारतीत लता नंदलाल जमनानी ह्या राहतात. त्यांच्या घरी मेघा व कमल अश्या दोन नावाच्या नोकरांनी कामाला होत्या. १६ ऑगस्ट रोजी सकाळी साडे दहा ते सायंकाळी ५ वाजण्याच्या दरम्यान बेडरूमच्या कपाटातील ड्राव्हर मधून त्यांनी सोन्याचे मंगळसूत्र व एक सोन्याची बांगडी चोरून नेल्याचा प्रकार घडला आहे. जमनानी यांच्या तक्रारीवरून मध्यवर्ती पोलिसांनी नोकरांनी मेघा व कमल यांच्या विरोधात गुन्हा दाखल केला असून अधिक तपास पोलीस करीत आहेत.