शहरं
Join us  
Trending Stories
1
IPL Auction 2025: MS Dhoni चा 'भिडू' Mumbai Indians ने पळवला; दीपक चहरसाठी मोजले किती कोटी? जाणून घ्या
2
“मविआत आमचे संख्याबळ जास्त, मला विरोधी पक्षनेता व्हायला नक्कीच आवडेल”: भास्कर जाधव
3
मतमोजणीच्या आकडेवारीत घोळ? व्हायरल पोस्टचे सत्य समोर, निवडणूक अधिकारी म्हणाले...
4
पुन्हा तेच घडले? पिपाणी चिन्हामुळे घोळ, तुतारीला बसला मोठा फटका; शरद पवारांचे ९ उमेदवार पडले
5
IPL Auction 2025: भुवीसाठी MI अन् LSG यांच्यात 'बोली युद्ध'; होऊ दे खर्च म्हणत शेवटी RCB नं मारली बाजी
6
“आमचे आमदार फुटणार नाहीत, ताकदीने लढणार”; ठाकरे गटाला ठाम विश्वास, शिंदे गटाला सुनावले
7
मी ही निवडणूक मोठ्या मताधिक्याने कसा जिंकलो..? जितेंद्र आव्हाडांनी सांगितला १ ऑगस्टपासूनचा EVM चा घटनाक्रम
8
फडणवीस मुख्यमंत्री झाले तर भाजपकडे शिंदेंसाठी प्लॅन 'B'? ठरू शकतो असा फॉर्म्युला 
9
IPL Auction 2025: मुंबई इंडियन्सला इशान किशनचा पर्याय सापडला! कोण आहे त्याची जागा घेणारा रायन रिकल्टन?
10
शरद पवार, उद्धव ठाकरेंचे राजकारण संपले? दोघांनाही आहे अजून एकेक संधी...
11
"चांगल्या घरातल्या मुली...", मनिषा कोईरालाच्या पदार्पणावर विचारले गेले होते प्रश्न; म्हणाली...
12
IPL Auction 2025: कृणाल पांड्या, नितीश राणासाठी RR vs RCB मध्ये रंगला 'रॉयल' सामना! कुणाचा झाला फायदा?
13
आदित्य ठाकरेंच्या नावाचा आग्रह केला पण...; विरोधी पक्षनेते पदावर भास्कर जाधव काय म्हणाले?
14
द्रविडच्या RR नं दिला MS धोनीच्या CSK ला शह! कल्याणकर Tushar Deshpande चं 'कल्याण'
15
मल्लिका शेरावतचं फ्रेंच बॉयफ्रेंडसोबत ब्रेकअप! म्हणाली, "आजच्या काळात योग्य व्यक्ती शोधणं..."
16
IPL Auction 2025 : मुंबईकर अजिंक्य, पृथ्वी अन् शार्दुलसह या स्टार खेळाडूंना अनसोल्डचा टॅग
17
म्युच्युअल फंडात गुंतवणूक करता का? काय आहेत समज, गैरसमज; जाणून घेऊ सर्व प्रश्नांची उत्तरं
18
राष्ट्रवादीचे नेते दिलीप वळसे पाटील शरद पवारांच्या भेटीला; कारणही आलं समोर
19
प्रदेशाध्यक्ष पदाचा राजीनामा दिल्याच्या चर्चांवर नाना पटोलेंनी सोडलं मौन; म्हणाले...
20
देवेंद्र फडणवीस पुन्हा मुख्यमंत्री होणार? मनोज जरांगे पाटील स्पष्टच बोलले; म्हणाले...

उद्योजक संघटना म्हणते, "क्लस्टर काय माहिती नाही ? त्यापेक्षा आम्हाला सोयी - सुविधा द्या" 

By धीरज परब | Published: July 05, 2023 5:10 PM

औद्योगिक वसाहती क्लस्टर योजनेत आणणे अडचणीचे? 

लोकमत न्यूज नेटवर्क,  मीरारोड - मीरा भाईंदर मधील स्टेनलेस स्टील उद्योगसह शहरात अन्य विविध स्वरूपाच्या लहान उद्योगांची संख्या सुमारे ८ ते १० हजाराच्या घरात असून ह्या औद्योगिक गाळ्यांच्या वसाहती क्लस्टर खाली विकसित करण्याची चर्चा प्रशासकीय आणि राजकीय स्तरावर सुरु झाली आहे . तर क्लस्टरची आमची मागणीच नसून ग्रामपंचायत काळा पासूनचा औद्योगिक गाळ्यांना सोयी - सुविधा द्या आणि असलेल्या समस्या सोडवा असे औद्योगिक संघटनां कडून सांगण्यात आले आहे . तर औद्योगिक वसाहतीत क्लस्टरचा प्रस्ताव शासन स्तरावरून मंजूर करून आणण्याचे दिव्य महापालिकेस पार पाडावे लागणार आहे . 

मुंबईला लागून असल्याने मीरा भाईंदर हे ग्रामपंचायत काळी औद्योगिक हब म्हणून ओळखले जात होते . परंतु मुंबईतील जमिनीच्या किमती वाढू लागल्या आणि मीरा भाईंदर मध्ये बिल्डर लॉबी , राजकारणी आदींनी जमिनी खरेदी करून इमारती उभारण्यास सुरवात केली . गेल्या काही वर्षात तर राजकारणी - बिल्डर व पालिका प्रशासनास ह्या औद्योगिक वसाहती अडचणीच्या ठरू लागल्या आहेत . अनेक मोठ्या कंपन्यांच्या जागी उत्तुंग निवासी इमारती उभ्या राहिल्या आहेत .  त्यातच नव्याने झालेल्या इमारतीं मधील रहिवाश्याना ग्रामपंचायत काळा पासूनचे उद्योग हे त्रासदायक वाटू लागले आहेत . 

राजकारणी आणि प्रशासनाने देखील शहरातील औद्योगिक वसाहतींच्या विकासाकडे जाणीवपूर्वक दुर्लक्ष केले . रस्ते , गटार , पाणी आदी सारख्या मूलभूत सुविधा देखील ह्या औद्योगिक क्षेत्रात दिल्या नाहीत . सखल भाग झाल्याने पावसाळ्यात पाणी तुंबून मोठे नुकसान होते .  जुने गाळे जीर्ण व धोकादायक झाले असताना त्यांना दुरुस्ती व नवीन बांधकामास देखील आडमुठेपणा केल्याने या आद्योगिक वसाहतीं मध्ये अनेक अनधिकृत बांधकामे निर्माण झाली आहे .  श्री भाईंदर स्टेनलेस स्टील मॅन्युफेक्चर अँड ट्रेडर्स असोसिएशन , मीरा भाईंदर स्मॉल स्केल इंडस्ट्रीज असोसिएशन आदी संघटनांनी महापालिका , राजकारणी आदीं कडे सातत्याने त्यांच्या समस्या आणि हव्या असलेल्या सुविधांची मागणी चालवली आहे . मात्र आता पर्यंत त्याकडे कानाडोळा केला गेलाय . त्यामुळे अनेक उद्योग हे शहर सोडून गुजरात - राजस्थान आदी राज्यात जात आहेत . 

स्टील संघटनेचे सुमारे अडीज हजार गाळेधारक सदस्य आहेत तर स्मॉल स्केल चे सुमारे एक हजाराच्या घरात सदस्य असल्याचे सांगितले जाते . नुकतेच मीरारोड येथे भरवण्यात आलेल्या स्टील प्रदर्शनात आमदार प्रताप सरनाईक व गीता जैन , आयुक्त दिलीप ढोले आदींनी भेट दिली त्यावेळी देखील उद्योजकांनी त्यांची गाऱ्हाणी मांडली होती . 

तर मुख्यमंत्री एकनाथ शिंदे मीरारोड मध्ये कार्यक्रमासाठी आले असता आ. गीता जैन यांनी उद्योजकांचा विचार करण्याचा मुद्दा मांडला तर आयुक्त ढोले यांनी क्लस्टर चा प्रस्ताव सुचवला होता . तर औद्योगिक वसाहतीत क्लस्टर कसा राबवणार ?  निवासी इमारती सारख्या उंच इमारती बांधता येणार नाहीत . कारण उत्पादनासाठी अवजड व मोठी यंत्रे वापरात असतात . ती तळ मजल्यावरच राहू शकतात . औद्योगिक इमारत बांधायची तर ते प्रत्यक्षात सोयीचे ठरेल का ? असे प्रश्न गाळेधारक करू लागले आहेत . 

राजेंद्र मित्तल ( अध्यक्ष  - श्री भाईंदर स्टेनलेस स्टील मॅन्युफेक्चर अँड ट्रेडर्स असोसिएशन ) - क्लस्टर काय हेच आम्हाला माहिती नाही ? झोपडपट्टी वा अनधिकृत बांधकामांना जसे शासन नियमित करते त्याच धर्तीवर ग्रामपंचायत काळातील औद्योगिक गाळ्यांना नियमित करा .  सोयी - सुविधा द्या . आम्ही पालिका व सरकारला नियमित कर भरतो , हजारो रोजगार उपलब्ध होऊन हजारो कुटुंब अवलंबून आहेत . उद्योग टिकले तर रोजगार , कर मिळेल व देशाची प्रगती होते . त्यामुळे हजारो लहान उद्योजकांकडे लक्ष दिले गेले पाहिजे .  

उमर कपूर ( अध्यक्ष - मीरा भाईंदर स्मॉल स्केल इंडस्ट्रीज असोसिएशन ) - क्लस्टरची आमची मागणी नसुन क्लस्टर योजना औद्योगिक  वसाहतींच्या ठिकाणी कशी राबवता येईल याची माहिती अजून आम्हाला मिळालेली नाही . औद्योगिक वसाहतींना चांगले रस्ते , पाणी , गटार आदी सुविधा द्या . हुण्या गाळ्यांना दुरुस्ती व नवीन बांधकाम परवानगी द्या जेणे करून उद्योजकांना दिलासा मिळेल व उद्योग टिकून राहतील . 

टॅग्स :Mira Bhayanderमीरा-भाईंदर