शहरं
Join us  
Trending Stories
1
अक्षय शिंदे चकमक प्रकरणाची चाैकशी करा; वडिलांची मागणी, दुपारी घेतली कारागृहात भेट
2
१६५ लीटरचा फ्रीज, जमिनीवर रक्ताचे डाग, मृतदेहाचे तुकडे; बंगळुरूत पोलीस हादरले
3
युद्ध पेटलं! लेबनानमध्ये ४९२ लोकांचा मृत्यू; हिजबुल्लाहवर इस्त्रायलचा पलटवार
4
बदलापूरनंतर युपीमध्येही गुन्हेगाराचा एन्काऊंटर; ट्रेनमधून कॉन्स्टेबलला फेकणारा गुन्हेगार ठार
5
अग्रलेख : श्रीलंका डाव्या वळणावर! भारताला राहावे लागणार अधिक सावध
6
Today Daily Horoscope: आजचे राशीभविष्य: व्यापार - व्यवसायात वृद्धी होऊन मोठा फायदा होईल; धनलाभाची शक्यता
7
घोसाळकर हत्येप्रकरणी सीबीआयकडून गुन्हा; न्यायालयाच्या आदेशानंतर कारवाई
8
सिनेटमध्ये कोण बसणार? युवासेना -अभाविपमध्ये थेट लढत, उत्सुकता शिगेला
9
मुंबई, ठाण्याचा राज ठाकरेंकडून आढावा; संभाव्य उमेदवारांबाबत पदाधिकाऱ्यांशी चर्चा
10
उद्धव ठाकरे, राऊतांना काेर्टाचा दणका
11
‘एसटी’च्या ३९ जमिनी ६० वर्षांच्या लीजवर देणार; ३० वर्षांसाठी प्रतिसाद न मिळाल्याने निर्णय
12
सिडकोची गोड बातमी : दसऱ्याआधी निवडा तुमच्या आवडीचे घर
13
दहशतवाद गंभीर धोका; संयुक्त राष्ट्रांच्या मंचावरुन पीएम नरेंद्र मोदींनी दिला इशारा
14
"शाळेचे संचालक अजूनही का सापडलेले नाहीत?", अक्षय शिंदे चकमकीत ठार झाल्यानंतर आदित्य ठाकरेंचा सवाल
15
"जगन मोहन रेड्डींचे मन शुद्ध असेल तर...", तिरुपती लाडू वादावरून पवण कल्याण यांचा निशाणा
16
Devendra Fadnavis on Badlapur Case Akshay Shinde Encounter: "पोलिसांवर गोळ्या चालवल्या तर..."; देवेंद्र फडणवीसांचे अक्षय शिंदे एन्काऊंटरवर रोखठोक मत
17
अक्षय शिंदे चकमक प्रकरणाची चौकशी व्हावी, नातलगांची मागणी 
18
प्रकल्पग्रस्तांनी बांधलेली ‘ती’ घरे होणार नियमित; नवी मुंबई, पनवेल, उरणमध्ये सर्वेक्षण
19
बदलापूर अत्याचार प्रकरण: अक्षय शिंदे एन्काऊंटरवर नाना पटोले यांचे सरकारला ३ महत्त्वाचे प्रश्न
20
"प्रकरण दडपण्यासाठी हे एन्काऊंटरचे फेक नॅरेटिव्ह", अक्षय शिंदे चकमकीत ठार झाल्यानंतर अनिल देशमुखांचा आरोप

बॅनरबाजीतून पुन्हा एकदा राजकीय शक्तीप्रदर्शन, पालिकेचा कानाडोळा

By अजित मांडके | Published: January 19, 2024 2:52 PM

ठाणे महापालिकेच्या माध्यमातून मागील काही दिवसापासून अनाधिकृत बॅनर पोस्टरवर कारवाई केली जात असल्याचे दिसत होते.

ठाणे : संपूर्ण देश सध्या राम मंदिराच्या उद्घाटनाच्या निमित्ताने राम मय झाला आहे. ठाण्यातही सध्या तसेच वातावरण दिसत आहे. परंतु ठाण्यात या निमित्ताने पुन्हा एकदा बॅनरबाजीला उत आल्याचे चित्र शहरभर दिसत आहे. एकीकडे स्वच्छ ठाण्याचा नारा देण्याचा प्रयत्न केला जात आहे. मात्र बॅनरबाजीने पुन्हा एकदा शहरातील महत्वाचे चौक, रस्ते, अगदी नव्याने रंग मारण्यात आलेल्या मेट्रोच्या पिलरवर देखील पुन्हा बॅनरबाजीतून शक्तीप्रदर्शन करण्याचा प्रयत्न केला जात आहे. विशेष म्हणजे महापालिका मुख्यालयाच्या समोरच जेथून आयुक्त व पालिकेचे इतर पदाधिकारी रोजच्या रोज ये जा करीत असतात, त्या परिसराला देखील बॅनरबाजीचा विळखा पडल्याचे चित्र आहे. परंतु या बॅनरबाजीकडे महापालिकेने जणू कानाडोळाच केला असल्याचे चित्र दिसत आहे.

ठाणे महापालिकेच्या माध्यमातून मागील काही दिवसापासून अनाधिकृत बॅनर पोस्टरवर कारवाई केली जात असल्याचे दिसत होते. परंतु तो केवळ फार्स असल्याचेच स्पष्ट झाले आहे. ठाण्यातील एकही रस्ता एकही चौक आज मोकळा श्वास घेतांना दिसत नाही. महापालिका मुख्यालयाच्या समोर कोणी भावी आमदाराचे बॅनर लावले आहेत, तर कोणी रामलल्लाचे बॅनर लावून शक्ती प्रदर्शन केले आहे. महापालिका मुख्यालयाजवळच कॉमन मॅनचा एक चौक आहे. परंतु आजच्या घडीला तो कॉमन मॅनही बॅनरबाजीच्या विळख्यात अडकल्याचे चित्र आहे. दुसरीकडे कॅसलमिल नाका येथील चौक, जांभळी नाका येथील चिंतामणी चौक आदींसह शहरातील इतर चौकही सध्या बॅनरबाजीने पुर्ते रंगले आहेत.

महापालिकेच्या माध्यमातून चौक सुशोभिकरणाचा कार्यक्रम हाती घेण्यात आला होता. त्यानुसार काही चौकांनी एक वेगळी झळाळी मिळाली होती. परंतु आज ते चौकही या बॅनरबाजीच्या विळख्यात अडकल्याचे चित्र आहे. तिकडे शहरातील प्रमुख रस्त्यांवर ते अगदी गल्ली बोळातही सध्या बॅनरबाजीला उत आल्याचे चित्र आहे.

मेट्रोचे पिलर पुन्हा विद्रुप

मागील महिन्यात मुख्यमंत्री एकनाथ शिंदे यांनी शहर विद्रुप होणार नाही, या दृष्टीने उपाय योजना कराव्यात, तसेच मेट्रोच्या पिलरवर होणाºया जाहीरातीबाजीच्या विरोधात देखील नाराजी व्यक्त केली होती. त्यानंतर ठाणे महापालिका आयुक्तांनी शहरातील सर्व रस्त्यांवरील चौकातील बॅनर फलक काढले होते. तसेच मेट्रोचे पिलर देखील जाहीरातबाजी मुक्त केले होते. त्यानंतर मेट्रोच्या पिलरला रंग मारण्यात आला होता. परंतु त्याला काही दिवस जात नाही तोच पुन्हा या पिलरवर देखील राजकीय आखाडा रंगल्याचे चित्र आहे. पुन्हा पिलरवर बॅनरबाजी करण्यात येऊन पिलर विद्रुप करण्यात आले आहेत.

महापालिकेची डोळे झाक

अनाधिकृत बॅनर, फलकांच्या विरोधात महापालिकेने मोहीम हाती घेतली आहे. त्यानुसार प्रत्येक बुधवारी बॅनर, फलकवर कारवाई केली जाईल असे आश्वासन महापालिका आयुक्त अभिजीत बांगर यांनी दिले होते. परंतु आता बुधवार उलटून गेला तरी देखील शहरातील बॅनरवर कारवाई झालेली दिसून आलेली नाही. उलट बॅनरबाजीच्या प्रमाणात आणखी वाढ झाल्याचे चित्र आहे. मुख्यालयासमोरील बॅनरवर देखील महापालिकेला कारवाई करता आलेली नाही. त्यामुळे महापालिका याकडे कानाडोळा करते का? असा सवाल या निमित्ताने उपस्थित झाला आहे.

टॅग्स :thaneठाणेThane Municipal Corporationठाणे महानगरपालिका