भिवंडी : शहरात वाडा रोडवरील मेट्रो हॉटेलजवळ पिस्टल विकण्यासाठी ग्राहकाच्या शोधात असलेल्या व्यक्तीस पोलिसांनी गुरुवारी पकडले. त्याची झडती घेतली असता त्याच्याजवळ तीन पिस्टल आणि १३ काडतुसे सापडली. त्याला २ तारखेपर्यंत पोलीस कोठडी ठोठावली आहे.शहरातील गुन्हेगारीत वाढ होत असल्याने पिस्टल खरेदीसाठी ग्राहक मिळतील, या हेतूने शहरात आलेल्या नेतराजसिंग कासेसिंग जाधव (३१) यास गुन्हे अन्वेषण विभागाच्या पोलिसांनी पकडले. नेतराजसिंग हा स्वत: पिस्टल बनवत असून तो मूळचा मध्य प्रदेश येथील आहे. सध्या तो शहापूर तालुक्यातील आसनगावच्या दिघेनगरमध्ये गेल्या नऊ वर्षांपासून आपल्या कुटुंबासह राहतो.
पिस्तूल बाळगणाऱ्यास भिवंडीत पकडले
By लोकमत न्यूज नेटवर्क | Published: March 31, 2018 2:41 AM