ठाणे : ठाण्याच्या शतायुषी - सेवाभावी श्री आनंद भारती समाज संस्थेचे अध्यक्ष, यंदा हीरक महोत्सवी वर्ष साजरे करण्याऱ्या फ्रेंडशिप क्रिकेट क्लबचे संस्थापक व चेंदणी कोळीवाडा कोळी जमात ट्रस्टचे माजी खजिनदार रमाकांत कोळी यांचा अमृत वर्षपूर्ती सोहळा श्री आनंद भारती व्यायामशाळेच्या क्रीडांगणावर कोविड-१९ चे नियम पाळून शनिवारी थाटात संपन्न झाला. याप्रसंगी सामाजिक,संगीत, क्रीडा, शैक्षणिक व सांस्कृतिक क्षेत्रांतील अनेक मान्यवर उपस्थित होते.
ठाणे जिल्हा हौशी शरीरसौष्ठव संघटनेचे कार्याध्यक्ष रमेश चव्हाण, खजिनदार माधव भोळे यांनी रमाकांत कोळी यांना शाल, श्रीफळ, पुष्पगुच्छ व स्मृतिचिन्ह देऊन शुभेच्या दिल्या. फ्रेंडशिप क्रिकेट क्लबचे संस्थापक मोहन नाखवा, हरेश्वर मोरेकर, कमलाकर कोळी, जगदीश कोळी, क्रिकेट प्रशिक्षक मुकुंद सातघरे, सुशील मोरेकर, प्रल्हाद नाखवा आदी उपस्थित होते.
------------