उल्हासनगर : पेट्रोल, डिझेल व गॅस दरवाढीच्या निषेधार्थ शिवसेनेने दुपारी २ वाजता प्रांत कार्यालय समोर आंदोलन केले. शिवसेना शहरप्रमुख राजेंद्र चौधरी यांच्या नेतृत्वाखालील शिष्टमंडळाने प्रांत अधिकारी राजाराम कारभारी यांना निवेदन दिले.
उल्हासनगर प्रांत कार्यालयासमोर शिवसेनेने पेट्रोल, डिझेल व गॅस दरवाडीच्या निषेधार्थ आंदोलन करून केंद्र शासनाच्या विरोधात घोषणाबाजी करण्यात आली. मोदी यांच्या शासनकाळात देश गेली अनेक दशके मागे गेला असून नागरिकांत प्रचंड असंतोष निर्माण झाला. असे प्रतिपादन यावेळी राजेंद्र चौधरी यांनी केला.
आंदोलनात शिवसेना कल्याण उपजिल्हाप्रमुख चंद्रकांत बोडारे, शहरप्रमुख राजेंद्र चौधरी, गटनेता रमेश चव्हाण, नगरसेवक धनंजय बोडारे, शहर युवाअधिकारी बाळा श्रीखंडे यांच्यासह शेकडो शिवसैनिक सहभागी झाले होते. आंदोलनानंतर शिवसेना शिष्टमंडळाने प्रांत अधिकारी राजाराम कारभारी यांना निवेदन दिले.