ठाणे : राज ठाकरे आणि आनंद दिघे यांचे अतिशय घनिष्ट संबंध होते. मी स्वतः राज ठाकरे यांना विद्यार्थी सेनेमध्ये असल्यापासून ओळखतो. आज आपण जर पाहिलं तर राज ठाकरे अनेक वर्षांनी ठाण्यात येत आहेत त्यामुळे इथे उत्साहाचे आणि भावनिक वातावरण तयार झालं आहे, असं महायुतीचे ठाण्याचे उमेदवार नरेश म्हस्के यांनी सांगितले.
तसेच आनंद दिघे स्वतः मला राज ठाकरेंना सोडायला देखील सांगत. आम्ही एकत्र मेळावे, सभा देखील केल्या आहेत. त्यांनी यांनी मला हात धरून शिकवलेलं आहे. त्यामुळे आज राज ठाकरे येतायत याचा मला आनंद होतोय. बाळासाहेबांचे विचार राज ठाकरे आणि एकनाथ शिंदे दोघेही पुढे घेऊन जात आहेत त्यामुळे आज मनसैनिक आणि शिवसैनिक एकत्र दिसून येत आहेत, असे म्हस्के यांनी आणखी सांगितले.