शहरं
Join us  
Trending Stories
1
पहलगाममध्ये हल्ला करणाऱ्या दहशतवाद्यांचा फोटो समोर, ओळखही पटली, दोघे पाकिस्तानी तर दोघे स्थानिक
2
महाराष्ट्र, गुजरात, कर्नाटक...पहलगाम हल्ल्यात कोणत्या राज्यातील किती पर्यटकांचा मृत्यू? पाहा यादी
3
पहलगाम हल्ला: दहशतवाद्यांनी मुस्लीम तरुणाचीही केली हत्या; कुटुंबाचा टाहो, म्हणाले, 'आम्हाला न्याय हवा'
4
ऑटो कंपोनट निर्माता कंपनीची वर्षात ५१,५३० टक्के वाढ; प्रत्येक शेअरवर मिळणार ६० रुपयांचा लाभांश
5
पहलगाममधील दहशतवादी हल्ल्यानंतर काश्मीरमधून पहिल्यांदाच उमटल्या अशा प्रतिक्रिया, दिसल्या या चार गोष्टी    
6
भोपाळ जवळ GAIL प्लांटमध्ये मिथेन गॅस गळती; परिसरात भीतीचे वातावरण
7
बाळाला खाली ठेवायला लावले आणि तीन मिनिटे चालवल्या गोळ्या; भरत भूषण यांच्या सासूने सांगितली आपबिती
8
सोन्याच्या दरात २७०० रुपयांची मोठी घसरण, खरेदीपूर्वी पाहा काय आहेत नवे दर
9
"तिथून परत आलेच नसते तर...", काश्मीरला फिरायला गेलेली मराठी अभिनेत्री, दहशतवादी हल्ल्यानंतर केली पोस्ट
10
अजित पवारांनीही केला ओमर अब्दुल्लांना फोन; पर्यटकांच्या सुटकेबाबत काय म्हणाले?
11
स्वामी समर्थ स्मरण दिन: ३ दिवस सेवा करा, असीम कृपेचे धनी व्हा; शुभ घडेल, अशक्यही शक्य होईल!
12
Pahalgam Attack: पहलगाम हल्ल्याबाबत मोठा खुलासा! दहशतवाद्यांनी १ ते ७ एप्रिल दरम्यान रेकी केली, नंतर हल्ला केला
13
Pahalgam Attack Update : वाढदिवसानिमित्त काश्मीर ट्रिप...; दहशतवाद्यांनी पत्नी आणि मुलांसमोरच केली शैलेशची हत्या
14
यंदा इन्कम टॅक्स रिटर्न भरण्याची अंतिम तारीख काय आहे? अनेकजण करतात 'ही' चूक
15
IPL 2025: भ्याड हल्ल्याचा तीव्र निषेध! ना फटाके, ना चीअरलीडर्स; खेळाडू, पंच बांधणार काळ्या फिती
16
चैत्र वरुथिनी एकादशी: ‘असे’ करा व्रताचरण, श्रीविष्णू शुभच करतील; पाहा, महत्त्व अन् मान्यता
17
पत्नीसोबत काश्मीरला गेले अन् तो व्हिडीओ ठरला शेवटचा! दहशतवाद्यांनी हत्या करण्यापूर्वीचा व्हिडीओ होतोय व्हायरल
18
घटनास्थळी दहशतीच्या खुणा, रस्त्यांवर शुकशुकाट, लष्कराची वर्दळ, हल्ल्यानंतर पहलगाममध्ये आहे अशी परिस्थिती
19
Pahalgam Attack Update : "इथले सर्वजण प्रचंड घाबरलेत"; रुपाली पाटील ठोंबरे काश्मीरमध्ये अडकल्या, सरकारला केली विनंती
20
३ राजयोगात गुरुवारी वरुथिनी एकादशी: ७ राशींना शुभ फले, यशच यश; भरघोस भरभराट, पैसाच पैसा!

महायुतीमधील वाद विकोपाला गेले तर बसेल फटका; मीरा-भाईंदर, ऐरोली, बेलापूर, ठाणे मतदारसंघात अंतर्गत धुसफूस

By अजित मांडके | Updated: September 28, 2024 05:53 IST

लोकसभा निवडणुकीत महायुतीला मिळाले यश

ठाणे लोकसभा

ठाणे : ठाणे लोकसभा मतदारसंघातील सहा विधानसभा मतदारसंघांत महायुतीविरुद्ध महाविकास आघाडी असा सामना रंगणार असून ठाणे, मुंब्रा-कळवा, ऐरोली, बेलापूर या चार मतदारसंघांत चुरशीच्या लढती होणार आहेत. लोकसभा निवडणुकीत शिंदेसेनेचे नरेश म्हस्के चांगल्या मताधिक्याने विजयी झाल्याने महाविकास आघाडीला धक्का बसला. साहजिकच महायुतीमधील शिंदेसेना, भाजप यांचे मनोबल वाढले आहे. महायुतीमधील अंतर्गत वाद विकोपाला गेले तर ठाणे लोकसभेत वेगळे चित्र दिसेल. कोपरी-पाचपाखाडी मतदारसंघातून मुख्यमंत्री एकनाथ शिंदे रिंगणात असल्याने येथील निवडणुकीकडे राज्याचे लक्ष लागले आहे. 

ठाणे शहर विधानसभा मतदारसंघ शिंदेसेना आणि भाजपसाठी महत्त्वाचा मानला जात आहे. आ. संजय केळकर यांच्याविरोधात पक्षातील संजय वाघुले, संदीप लेले आणि कृष्णा पाटील यांच्यासह मृणाल पेंडसे यांनी उमेदवारीवर दावा केला. शिंदेसेनेनेही या मतदारसंघावर दावा करीत भाजपला आव्हान दिले. महाविकास आघाडीमध्ये काँग्रेस, राष्ट्रवादी काँग्रेस- शरद पवार गट आणि उद्धवसेना या तीनही पक्षांनी येथे दावा केला आहे. महाआघाडीतील कोणत्या पक्षाला हा मतदारसंघ मिळणार, याची उत्सुकता आहे. मागील वेळेस या मतदारसंघातून लढलेले मनसेचे अविनाश जाधव हे पुन्हा रिंगणात उतरणार असल्याने तिरंगी लढत होणार आहे.

कोपरी-पाचपाखाडी मतदारसंघ मुख्यमंत्री एकनाथ शिंदे यांचा बालेकिल्ला मानला जातो. मनसेचे अभिजित पानसे हे रिंगणात उतरणार असून उद्धवसेना येथून केदार दिघे यांना उमेदवारी देऊन ‘दिघे कार्ड’ खेळण्याच्या तयारीत आहे. उद्धवसेना व मनसेचा उमेदवार रिंगणात असल्याचा लाभ शिंदे यांना होणार की, दिघे कार्ड शिंदे यांचे मताधिक्य रोखणार, असे तर्कवितर्क केले जात आहेत.

भाजपचा सरनाईक यांच्या मतदारसंघावर दावा

ओवळा माजिवडा मतदारसंघ शिंदेसेनेचे प्रताप सरनाईक यांच्या ताब्यात आहे. भाजपकडील ठाणे शहर मतदारसंघावर शिंदेसेना दावा करत असल्याने दबावतंत्राचा भाग म्हणून भाजप सरनाईकांच्या मतदारसंघावर दावा करते. 

उद्धवसेना घोडबंदरचे माजी नगरसेवक नरेश मणेरा यांना संधी देण्याच्या तयारीत आहे. मनसेकडे येथे प्रभावी उमेदवार तूर्तास दिसत नाही.

महायुतीला मारक ठरण्याची भीती 

मीरा-भाईंदरमधून मागील वेळी अपक्ष गीता जैन विजयी झाल्या. त्या भाजपपुरस्कृत आमदार आहेत. माजी आमदार नरेंद्र मेहता यांच्यासह शिंदेसेनेचे रवी व्यास यांची नावे चर्चेत आहेत. येथील भाजपमध्ये जैन विरुद्ध मेहता वाद आहे. काँग्रेसचे मुजफ्फर हुसेन हे इच्छुक आहेत. भाजपमधील वाद महायुतीला मारक ठरण्याची भीती आहे.

ऐरोली आणि बेलापूर मतदारसंघ भाजपच्या ताब्यात आहेत. ऐरोलीमध्ये गणेश नाईक आमदार आहेत. शिंदेसेनेतून विजय चौघुले, काँग्रेसचे अनिकेत म्हात्रे, उद्धवसेनेचे द्वारकानाथ भोईर, एम. के. मढवी यांची नावे आघाडीवर आहेत. चौघुले ऐनवेळी काय भूमिका घेणार, हे पाहणे महत्त्वाचे ठरणार आहे. 

बेलापूर मतदारसंघात मंदा म्हात्रे विद्यमान आमदार असल्या तरी तेथे भाजपचे संदीप नाईक तिकिटासाठी धडपड करीत आहेत. शिंदेसेनेचे विजय नहाटा हेही इच्छुक आहेत. महायुतीमधील वाद, स्पर्धा डोकेदुखी ठरणार आहे. 

राष्ट्रवादीच्या शरद पवार गटाचे चंद्रकात पाटील, मंगेश आमले, काँग्रेसचे अनिल कौशिक, तर उद्धवसेनेचे विठ्ठल मोरे, आदींची नावे महाविकास आघाडीत चर्चेत आहेत.  

टॅग्स :maharashtra assembly election 2024महाराष्ट्र विधानसभा निवडणूक २०२४thaneठाणेEknath Shindeएकनाथ शिंदेBJPभाजपाpratap sarnaikप्रताप सरनाईक