ठळक मुद्देवसंतविहार येथील घटनाचितळसर पोलीस ठाण्यात गुन्हा
लोकमत न्यूज नेटवर्कठाणे: धर्मवीरनगर येथून पायी जाणा-या गृहिणीच्या गळयातील सोन्याचे १९ ग्रॅम वजनाचे ४५ हजारांचे मंगळसूत्र खेचून दोघांनी पलायन केल्याची घटना सोमवारी घडली. याप्रकरणी चितळसर पोलीस ठाण्यात जबरी चोरीचा गुन्हा दाखल करण्यात आला आहे.वसंतविहार लोकउपवन या गृहसंकुलामधील रहिवाशी असलेली ३१ वर्षीय महिला ही तिची दोन्ही मुले आाणि मेैत्रिणीसह २६ आॅक्टोबर रोजी सकाळी ७.५० वाजण्याच्या सुमारास धर्मवीरनगर येथील टीएमसी गार्डन गेटच्या समोरील रस्त्याने मॉर्निग वॉक करुन घरी जात होती. त्याचवेळी त्यांच्या पाठीमागून मोटारसायकलीवरुन आलेल्या दोघांपैकी पाठरमागे बसलेल्याने या महिलेच्या गळयातील सोन्याचे मंगळसूत्र जबरीने खेचूून वसंतविहार सर्कलच्या दिशेने पलायन केले. याप्रकरणी पोलीस उपनिरीक्षक गांगुर्डे हे अधिक तपास करीत आहेत.