कल्याण : एक्स्प्रेसमध्ये महिलेनं दिला जुळ्यांना जन्म

कल्याण रेल्वे स्थानकात थांबवण्यात आलेल्या एक्स्प्रेसमध्ये एका 30 वर्षीय महिलेची प्रसूती झाली. तिनं जुळ्यांना जन्म दिला आहे. दोन्ही बालके आणि माता सुखरुप आहेत. 

कल्याण : कल्याण रेल्वे स्थानकात थांबवण्यात आलेल्या एक्स्प्रेसमध्ये एका 30 वर्षीय महिलेची प्रसूती झाली. तिनं जुळ्यांना जन्म दिला आहे. दोन्ही बालके आणि माता सुखरुप आहेत.  घाटकोपर येथील शेख सलमा तबस्सुम (३०) ही महिला रविवारी सकाळी एलटीटी-विशाखापट्टणम एक्स्प्रेसमधून प्रवास करत होती. यावेळी त्यांना प्रसूती वेदना होत असल्याची माहिती रेल्वेच्या पथकाला मिळाली. त्यानंतर एक्स्प्रेस कल्याण स्थानकातच थांबवण्यात आली. कॉन्स्टेबल नीलम गौर, सुरेखा कदम यांच्यासह रेल्वे पोलीस आणि डॉक्टरांचं पथक कल्याण स्थानकात पोहोचले. यादरम्यान, एक्स्प्रेसमध्येच सलमा यांनी जुळ्यांना जन्म दिला. त्यानंतर सलमा आणि बालकांना पुढील उपचारासाठी रुक्मिणीबाई रुग्णालयात दाखल करण्यात आले आहे. नवजात बालकांची आणि सलमाची प्रकृती चांगली आहे, अशी माहिती रेल्वेच्या अधिकाऱ्यांनी दिली.