ठाणे : घोडबंदर येथील साईकिरण या हॉटेलच्या वेटरनेच अभय ओतारी (३९) या ग्राहकाची १९ हजार ७०० रुपयांची आर्थिक फसवणूक केल्याची घटना अलीकडेच घडली. ओतारी यांनी बुधवारी कापूरबावडी पोलीस ठाण्यात फसवणुकीचा गुन्हा दाखल केला.
ठाण्यातील मानपाडा पेट्रोल पंपाजवळ असलेल्या साईकिरण हॉटेलमध्ये ओतारी हे ११ मार्च २०२१ रोजी दुपारी २.३० ते ३ वाजण्याच्या सुमारास गेले होते. त्या वेळी त्यांनी त्यांचे एटीएम कार्ड हॉटेलमधील अनोळखी वेटरला देऊन १० हजार रुपये काढून आणण्यास सांगितले. त्याने त्यांच्या अ‍ॅक्सिस बँकेच्या खात्यातून त्या एटीएम कार्डद्वारे १९ हजार ७०० इतकी रक्कम काढली. नंतर त्याने त्यांच्याकडे दुसऱ्याच बँकेचे एटीएम कार्ड सुपूर्द केले. आपली फसवणूक झाल्याचे लक्षात आल्यानंतर ओतारी यांनी या प्रकरणी ३१ मार्च २०२१ रोजी फसवणूक आणि अपहाराचा गुन्हा दाखल केला. पोलीस उपनिरीक्षक एल. जी. सपकाळे या अधिक तपास करीत आहेत.
........
वाचली.