अनेकदा कर्माचे फळ लगेचच मिळते. फक्त ते तुम्ही चांगले करता की वाईट यावर अवलंबून असते. तसाच प्रकार एका विवाहित जोडप्यासोबत घडला आहे. पतीने त्याच्या पत्नीला ठार मारण्याचा प्रयत्न केला परंतू, त्यात त्याचाही मृत्यू झाला आहे.
मुरादाबादच्या बिलारी पोलीस ठाणे क्षेत्रातील खानपूर गावात मंगळवारी रात्री एक वाजण्याच्या सुमारास ही घटना घडली आहे. पतीन पत्नीला रोमँटीक मुड असल्याचे भासवून मिठीत घेतले. परंतू दुसऱ्याच क्षणी पतीने तिच्या पाठीवर पिस्तूल ठेवले आणि गोळी झाडली. ही पिस्तुलातून सुटलेली गोळी पत्नीच्या शरीरातून आरपार होत पतीच्या छातीत जाऊन घुसली. या घटनेत दोघांचाही मृत्य़ू झाला.
या विचित्र घटनेने सर्वत्र खळबळ उडाली आहे. पोलिसांना दोघांचे मृतदेह ताब्यात घेतले आणि पोस्टमार्टेमसाठी पाठविले. पोलिसांनी सांगितले की या दोघांना एक मुलगी आणि तीन मुलगे आहेत, जे आता अनाथ झाले आहेत. एका लग्न समारंभात मोबाईल हरवल्यावरून पती-पत्नीमध्ये वाद झाला होता. या वादानंतर पतीने पत्नीला जवळ घेतले आणि हा प्रकार केला.
१० दिवसांपूर्वीच हे अनेक सिंह कुटुंबासोबत गावी आला होता. घटनास्थळी चिठ्ठी सापडलेली नाहीय. जेव्हा ही घटना घडली तेव्हा मुले तिथेच होती.