आयटक, सिटूचे धरणे आंदोलन

केंद्राने जाहीर केल्याप्रमाणे अंगणवाडी, आशा व गटप्रवर्तक, शालेय पोषण आहार कर्मचाऱ्यांना न्याय मिळावा.

आमदार, खासदारांना निवेदन : आश्वासन न पाळल्याने नोंदविला निषेध वर्धा : केंद्राने जाहीर केल्याप्रमाणे अंगणवाडी, आशा व गटप्रवर्तक, शालेय पोषण आहार कर्मचाऱ्यांना न्याय मिळावा. लोकप्रतिनिधींनी लोकसभा, विधानसभेत मागण्या लावून धराव्या यासाठी आयटकने शुक्रवारी खा. रामदास तडस व आ.डॉ. पंकज भोयर यांना त्यांचे कार्यालय गाठून निवेदन दिले. तत्पूर्वी, अंगणवाडी सेविका, आशा व गटप्रवर्तक महिलांनी जिल्हा परिषदेसमोर धरणे आंदोलन केले. जि.प. मुख्य कार्यकारी अधिकारी यांना निवेदन दिल्यानंतर मोर्चा काढून खा. तडस व आ.डॉ. भोयर यांचे कार्यालय गाठले. यावेळी राज्य व केंद्र शासनाने केलेल्या घोषणेप्रमाणे येणाऱ्या बजेट सत्रात आर्थिक तरतूद करावी. योजना कामागारांसाठी शासन आदेश काढण्यासाठी लोकप्रतिनिधींनी प्रयत्न करावेत, अशी मागणीही निवेदनातून करण्यात आली.