जाम चौरस्त्यावरील घटना : अज्ञात वाहनाच्या धडकेत दोघे जखमीसमुद्रपूर : दोन कार समोरासमोर धडकल्याने पाच जण गंभीर जखमी झाले. ही घटना शुक्रवारी रात्री जाम चौरस्त्यावर घडली. जखमींना उपचाराकरिता रुग्णालयात दाखल करण्यात आले.सुनील बापूराव पवार (५४), संध्या सुनील पवार (५०), निखिल बापूराव पवार (२३) तिघेही रा. चंद्रपूर तसेच महंमद अली सय्यद (२७) आणि यास्मिन अली (२५) रा. हैदराबाद, अशी जखमीची नावे आहेत. एपी २१ डी ७६२८ ही कार हैदराबादकडून नागपूरकडे जात होती. दरम्यान, जाम चौरस्ता चौकात चंद्रपूरकडे जात होती. दोन्ही चालकांचा गोंधळ उडाल्याने दोन्ही कार परस्परांवर आदळल्या. समुद्रपूर पोलिसात याक्रकरणाची नोंद करण्यात आली असून पंचनामाही करण्यात आला.(तालुका प्रतिनिधी)वर्धा - दुचाकीला अज्ञात वाहनाने दिलेल्या धडकेत दोन युवक जखमी झाले. ही घटना सेवाग्राम मार्गावरील दुधडेअरी परिसरात रविवारी दुपारी १२.३५ वाजच्या सुमारास घडली. हृषीकेश सचिन देशकर (१८) व राजू अशोक झाडे (२८) दोघे रा. आलोडी अशी जखमींची नावे आहेत. पोलीस सुत्रानुसार, हृषीकेश व राजू हे दोघे दुचाकी एमएच ३२ एफ २८७६ ने सेवाग्रामकडे जात होते. दरम्यान मागाहून आलेल्या अज्ञात चारचाकी वाहनाने दुचाकीला धडक दिली. यात दोघेही जखमी झाले. जखमींना उपचारार्थ सेवाग्राम रुग्णालयात दाखल करण्यात आले आहे. घटनेची नोंद सेवाग्राम पोलिसांनी केली आहे.
कार समोरासमोर धडकल्या पाच जण जखमी
By admin | Published: July 06, 2015 2:15 AM