अर्नाळा किल्ल्यातील हातभटट्या उध्वस्त

अर्नाळा किल्ल्यात सुरु असलेल्या दारुच्या हातभट्ट्यांवर काल सागरी पोलीसांनी गावठी दारुच्या हातभट्ट्या उध्वस्त केल्या. २३ हजार ८०० रुपयांचा मुद्देमाल जप्त करून एका महिलेसह दोघांना अटक केली.

वसई : अर्नाळा किल्ल्यात सुरु असलेल्या दारुच्या हातभट्ट्यांवर काल सागरी पोलीसांनी गावठी दारुच्या हातभट्ट्या उध्वस्त केल्या. २३ हजार ८०० रुपयांचा मुद्देमाल जप्त करून एका महिलेसह दोघांना अटक केली. याबाबतची माहिती नव्यानेच रुजू झालेले पोलीस निरिक्षक के.डी.कोल्हे यांना मिळाल्यानंतर त्यांनी कारवाई केली. एक हातभट्टी उध्वस्त करताना सहा ड्रममध्ये असलेला रसायनाचा ९ हजार ३०० रुपयांचा मुद्देमाल जप्त केला. अन्य एका ठिकाणी शंभर लिटरच्या नऊ ड्रममध्ये भरलेला रसायन साठा व ३५ लिटर गावठी दारु नष्ट करून १४ हजार ५५० रुपयांचा मुद्देमाल जप्त केला. या प्रकरणी दोन गुन्हे दाखल करण्यात आले असून त्यात अनुक्रमे वासंती मदन मेहेर व नारायण विष्णू भोईर यांच्यावर प्रोहीबिशन अ‍ॅक्ट च्या कलमान्वये गुन्हा दाखल करण्यात आला असून त्यांना अटक करण्यात आली आहे. (प्रतिनिधी)