वसई : मुंबई अहमदाबाद महामार्गावरील वसई हद्दीत सातीवली पुलावर डंपर, २ कार , एक एसयूव्ही याचा एकाचवेळी भीषण अपघात झाला. यात एका महिलेचा मृत्यू झाला असून ६ जण गंभीर जखमी झाले आहेत.वसई सातीवली पुलावर हा अपघात सोमवारी संध्याकाळी ७ च्या सुमारास झाला. चारही गाड्या पुलाची कठडा तोडून खाली कोसळल्याने त्यांचा चक्काचूर झाला आहे. जखमींना मिरारोड येथील आॅर्बीट रुग्णालयात दाखल केले आहे. भरधाव वेगात ओहरटेक करण्याच्या नादात हा अपघात झाला असल्याचे सांगण्यात आले आहे. जखमी किंवा मयताची ओळख पटलेली नाही. अपघातामुळे महामार्गावरील वाहतूक काही काळ विस्कळीत झाली होती.
सातिवली पुलावरून ४ वाहने कोसळली, अपघातात एक ठार, सहा जण जखमी
By लोकमत न्यूज नेटवर्क | Published: October 31, 2017 11:42 PM