शहरं
Join us  
Trending Stories
1
मुख्यमंत्रि‍पदाचा निर्णय झाला का? बैठकीनंतर एकनाथ शिंदेंनी दिली महत्त्वाची माहिती
2
महाराष्ट्राच्या मुख्यमंत्रिपदी काेण? दिल्ली दरबारी अडीच तास खलबते; २ डिसेंबरला शपथविधी!
3
Today Daily Horoscope: जाणून घ्या, कसा असेल आजचा दिवस, काय सांगते तुमची राशी?
4
Tata Sons वर गंभीर आरोप, RBI ला कायदेशीर नोटीस... काय आहे संपूर्ण प्रकरण?
5
उत्तरेतील वारे, महाराष्ट्र गारठला; अनेक शहरांचा पारा आला १५ अंश सेल्सिअसखाली 
6
पदवी अभ्यासक्रम अवधी कमी-जास्त करता येणार; विद्यार्थ्यांसाठी UGC ची नवीन योजना काय?
7
भाजपच्या अभूतपूर्व यशाचे ‘रहस्य’ काय?; 'सागर' बंगल्यावर पडद्यामागे घडलेल्या गोष्टी
8
कुजबुज! निकाल लागले, आचारसंहिता संपली तरीही विजयी मिरवणूक नाही, कारण... 
9
नव्या ‘एलएनजी’ बस मुंबईत धावणार की नाशिकमध्ये?; प्रतिगाडी ५.१५ लाखांचा खर्च अपेक्षित
10
कोस्टल रोडचा खर्च १३०० कोटींनी वाढला; एकूण खर्च गेला १४ हजार काेटींवर
11
धक्कादायक! ‘लिव्ह-इन पार्टनर’चे केले ५० तुकडे अन् प्राण्यांना खाण्यासाठी टाकले
12
समुद्रतळातून काढला तब्बल ३०० किलो प्लास्टिक कचरा; भारतातील पहिलाच प्रयोग मालवणमध्ये यशस्वी
13
जमीन व्यवहारातील फसवणूक आता टळणार; राज्यात 'ॲग्रिस्टॅक' योजना राबवणार
14
‘जात’ जाते कधी, येते कधी?; सर्वोच्च न्यायालयाचा निकाल नवे आकलन देणारा ठरलाय
15
सोशल मीडियाच्या राक्षसाने मुलांना गिळू नये, म्हणून...
16
मलिकांवरील गुन्ह्याच्या तपासाची माहिती द्या; उच्च न्यायालयाचे पोलिसांना निर्देश
17
मनसेच्या पराभूत उमेदवारांना राज ठाकरेंनी दिली उमेद; अडचणी समजावून घेत साधला संवाद
18
पत्रकारानं थेट प्रश्न विचारला, अजित दादांनी मिश्किल उत्तर दिलं; म्हणाले, "मी काही ज्योतिष नाही..."! नेमकं काय घढलं?
19
मोठा दावा! एकनाथ शिंदे उपमुख्यमंत्री पदही स्वीकारणार नाहीत; शिंदे गटातून कोण होणार नेता...

कोरोनाने हिरावली २३ बालकांची आई

By लोकमत न्यूज नेटवर्क | Published: June 16, 2021 4:53 AM

संतोष वानखडे वाशिम : गत तीन महिन्यांच्या कालावधीत कोरोनाने अनेकांना दु:खद धक्के दिले. कुणाचा भाऊ/बहिणी हिरावले, कुणाचे बाबा, कुणाचे ...

संतोष वानखडे

वाशिम : गत तीन महिन्यांच्या कालावधीत कोरोनाने अनेकांना दु:खद धक्के दिले. कुणाचा भाऊ/बहिणी हिरावले, कुणाचे बाबा, कुणाचे आजी/आजोबा तर कुणाची आई हिरावली. आईविना बालकांच्या पालनपोषणाची कल्पनाही करता येत नाही. आतापर्यंतच्या सर्वेक्षणानुसार जिल्ह्यातील २३ बालकांची आई कोरोनाने हिरावली असून, या बालकांचा सांभाळ करताना बाबांना (वडील) तारेवरची कसरत करावी लागत आहे.

कोरोनाच्या दुसऱ्या लाटेत जनजीवन अधिक प्रभावित झाले. मार्च ते मे या तीन महिन्यात जिल्ह्यात कोरोनाबाधितांची संख्या झपाट्याने वाढली. याच तीन महिन्यांत अनेकांना परिवारातील सदस्यही गमवावे लागले. कोरोना संसर्गामुळे दोन्ही पालक गमाविलेल्या बालकांना त्यांचे न्याय्य हक्क मिळवून देऊन त्यांचे यथायोग्य संगोपन होण्यासाठी आवश्यक उपाययोजना करण्याची जबाबदारी शासनाने जिल्हास्तरीय कृती दलावर सोपविली आहे. कोरोनामुळे आई-वडील दोघांचाही मृत्यू झाला असल्यास त्यांच्या पाल्याला मदत करण्याची घोषणा सरकारने केली. घरातील कर्ता पुरुष म्हणून वडिलांचा मृत्यू झाला असल्यास बालकांसाठी बाल संगोपन योजना व विधवा महिलासाठी निराधार योजनेतून लाभ दिला जातो. आईचा मृत्यू झाल्यास बालकासाठी बालसंगोपन योजनेचा लाभ लागू होऊ शकतो. परंतु, पुरुषाला अर्थसाहाय्य देणारी अन्य शासकीय योजना नाही. दुसरीकडे आईचा मृत्यू झाल्याने बालकाच्या पालनपोषण, संगोपनाचा, भावनिक जिव्हाळ्याचा प्रश्नही समोर येत आहे. कोरोनाने जिल्ह्यातील २३ बालकांची आई हिरावली आहे. आईविना या बालकांचे मायेचे छत्र हरविले असून, पालनपोषण करताना बाबांना मोठी कसरत करावी लागत आहे.

००००००

आई हिरावलेल्या बालकांची तालुकानिहाय माहिती

रिसोड ०४

मालेगाव ००

वाशिम ०८

मंगरूळपीर ०३

मानोरा ०५

कारंजा ०३

०००००००००

पुरुषांसाठीही योजना असावी !

घरातील कर्त्या पुरुषाचा कोरोनामुळे मृत्यू झाला असल्यास शासकीय निकषानुसार महिलेला शासनाच्या विविध योजनांचा लाभ दिला जाणार आहे. याच धर्तीवर घरातील कर्त्या महिलेचा कोरोनामुळे मृत्यू झाला असल्यास शासकीय निकषानुसार पुरुषाला शासकीय योजनांचा लाभ देण्यात यावा, अशी मागणी समोर येत आहे.

.........

कोट बॉक्स

कोरोनामुळे आई-बाबा असे दोन्ही पालक किंवा एक पालक हिरावलेल्या बालकांचा सर्व्हे करण्यात येत आहे. आतापर्यंतच्या सर्व्हेनुसार जिल्ह्यातील २३ बालकांच्या आईचा कोरोनामुळे मृत्यू झाल्याचे समोर आले आहे. शासकीय निकषानुसार या बालकांना बालसंगोपन योजनेचा लाभ देण्याचा प्रयत्न आहे.

- सुभाष राठोड

जिल्हा महिला व बालविकास अधिकारी, वाशिम