धानोरा - कुंभी रस्त्याची दुरवस्था
मंगरूळपीर : मंगरूळपीर ते अनसिंग या मुख्य मार्गादरम्यान धानोरा ते कुंभीपर्यंतच्या रस्त्याची दुरवस्था झाली आहे. यामुळे एखादवेळी अपघात घडण्याची भीती आहे. हा प्रश्न संबंधित यंत्रणेने निकाली काढावा, अशी मागणी होत आहे.
जामदरा तलावाच्या दुरुस्तीची मागणी
मानोरा : जामदरा तलावाच्या भिंतीत ‘लिकेज’ असल्याने दरवर्षी हा तलाव कोरडा पडतो. यंदाही या समस्येमुळे नुकसान झाले. तलावाची दुरुस्ती करावी, अशी मागणी होत आहे. पाऊस पडण्याआधी ही दुरुस्ती अपेक्षित आहे.
डासांचा प्रादुर्भाव; ग्रा.पं.चे दुर्लक्ष
जऊळका रेल्वे : गावात विविध भागात डासांचा मोठ्या प्रमाणात प्रादुर्भाव झालेला आहे. यामुळे आजारांचे प्रमाण वाढण्याची शक्यता असून ग्रामपंचायत प्रशासनाचे याकडे दुर्लक्ष होत आहे. लक्ष देण्याची मागणी होत आहे.
रस्त्याच्या कडा भरण्याची मागणी
वाशिम : सिव्हिल लाईन परिसरातील जिल्हाधिकारी कार्यालय ते जिल्हा स्त्री रुग्णालय या रस्त्यावरील सामाजिक न्याय भवननजीक रस्त्याची बाजू खोलगट झाली आहे. रस्त्याच्या कडा भरून गैरसोय टाळण्याची मागणी होत आहे.