महिलेच्या नावे फेसबुक अकाऊंट सुरू करणाऱ्या आरोपीविरूद्ध गुन्हा दाखल!

मंगरूळपीर : फेसबुकवर महिलेच्या नावे अकाउंट सुरू करून मानसिक त्रास दिल्याप्रकरणी पोलिसांनी कारंजा येथील गगन रमेश रॉय याच्याविरूद्ध ४ जुलैला माहिती व तंत्रज्ञान कायद्यान्वये गुन्हा दाखल केला.

लोकमत न्यूज नेटवर्कमंगरूळपीर : फेसबुकवर महिलेच्या नावे अकाउंट सुरू करून मानसिक त्रास दिल्याप्रकरणी पोलिसांनी कारंजा येथील गगन रमेश रॉय याच्याविरूद्ध ४ जुलैला माहिती व तंत्रज्ञान कायद्यान्वये गुन्हा दाखल केला. विठ्ठल-रुख्माई नगरात राहणाऱ्या महिलेने पोलिसात तक्रार दिली की, आरोपी रॉय याने तीचे फेसबुक अकाउंट हॅक करून नवे अकाउंट तयार केले व त्यात इतर मित्र-मैत्रीणींना सामावून घेत माझ्या नावे संवाद साधला. अशा तक्रारीवरुन पोलिसांनी आरोपीविरुध्द सायबर क्राईम कायद्यान्वये कलम ४३ अ, ६६ सी नुसार गुन्हा दाखल केला आहे.