-----------
मजुरांच्या कामाची देयके प्रलंबित
वाशिम : सन २०१९ मध्ये रोजगार हमी योजनेंतर्गत शेकडो कामगारांना अद्याप मोबदला मिळाला नाही. शेतकऱ्यांना कुशल कामाची देयकेही अद्याप मिळालेली नाहीत. याची दखल घेण्याची मागणी होत आहे.
----------
आसेगावात अनियमित वीजपुरवठा
वाशिम : मंगरुळपीर तालुक्यातील आसेगाव परिसरात आठवडाभरापासून विद्युत पुरवठ्यात वारंवार व्यत्यय निर्माण होत आहे. यामुळे भाजीपाला पिकांचे सिंचन प्रभावित होत असल्याने शेतकरी, तर घरातील पंखे बंद राहत असल्याने ग्रामस्थ हैराण झाले आहेत.
--------------
वाहनांवर कारवाईचा धडाका
वाशिम : वाहतुकीचे नियम मोडणाऱ्या चालकांविरोधात वाहतूक पोलिसांची मोहीम सुरू आहे. याअंतर्गत सोमवारी रात्री उशिरापर्यंत वाशिम-पुसद मार्गावर वाहतूक पोलिसांनी वाहनांची कसून तपासणी करताना ४१ वाहनांवर कारवाई केली.
----------------
कामरगाव परिसरात रस्त्यावर सांडपाणी
वाशिम : कामरगाव ग्रामपंचायतकडून नाल्यांची सफाई होत नसल्याने सांडपाणी रस्त्यावर वाहत असून, ग्रामस्थांच्या आरोग्याला धोका निर्माण झाला आहे, तर महावितरणकडून अनियमित वीजपुरवठा होत असल्यानेही ग्रामस्थ त्रस्त झाले आहेत.
-----------