मालेगाव (जि. वाशिम): मालेगाव ते वाशिम महामार्गावर गोडणीच्या पुलाजवळ भरधाव कारने मोटारसायकलस्वारास धडक दिली. शुक्रवारी घडलेल्या या घटनेत तालुक्यातील करंजी येथील गजानन किसन खाडे गंभीर जखमी झाले. २0 नोव्हेंबरला सायंकाळी ७ वाजत्याच्या सुमारास एम. एच. ३७ जे ३५७८ क्रमांकाची बोलेरो जीप भरधाव वेगाने मालेगावकडे येत होती. विरुद्ध दिशेने येणार्‍या एम.एच. ३७ सी ७६५९ क्रमांकाचा मोटारसायकलला या कारने जबर धडक दिली. यात मोटारसायकलस्वार गजानन किसन खाडे हा गंभीर जखमी झाला. मालेगाव पोलिसांनी घटनास्थळी धाव घेतली असता बोलेरो चालकाने घटनास्थळावरून पोबारा केला. पोलिसांना मिळालेल्या माहितीवरून सदर अपघास्तग्रस्त वाहन हे सेलू फाट्यावरील पेट्रोल पंपवर पकडले. बोलेरो वाहन व चालकाला ताब्यात घेतले. वृत्त लिहेपर्यंंत पोलीस स्टेशनमध्ये गुन्हा नोंद झाला नव्हता.
दुचाकी अपघातात एक गंभीर जखमी
By admin | Published: November 21, 2015 2:04 AM