वाशिम : कोरोनाची तिसरी लाट येण्याची शक्यता वर्तविण्यात येत असून, ही लाट रोखण्यासाठी जिल्हा प्रशासनातर्फे पूर्वतयारी केली जात आहे. तालुकास्तरावर ऑक्सिजन निर्मिती प्लांट प्रस्तावित असून, जिल्हा कोविड हॉस्पिटल तसेच कारंजा उपजिल्हा रुग्णालय येथे ऑक्सिजन बेडही वाढणार आहेत.
कोरोनाच्या दुसऱ्या लाटेत जिल्ह्यात फेब्रुवारी महिन्यापासून कोरोना रुग्णांची संख्या वाढत आहे. त्या तुलनेत आरोग्यविषयक सुविधा अपुऱ्या पडत आहेत. पूर्वीच्या तुलनेत आता सरकारी आरोग्यविषयक सुविधादेखील हळूहळू उपलब्ध होत असून, जिल्हा कोविड हॉस्पिटलमध्ये ऑक्सिजन बेड, व्हेंटिलेटर बेड उपलब्ध करण्याला सर्वाधिक प्राधान्य देण्यात येत आहे. अशातच तीन ते चार महिन्यांनंतर कोरोनाची तिसरी लाट येण्याचा अंदाज तज्ज्ञांकडून वर्तविण्यात येत आहे. ही शक्यता गृहीत धरून जिल्ह्यात उपाययोजना केल्या जात आहेत. वाशिम व कारंजा येथे अनुक्रमे ७५ व ५० ऑक्सिजन खाटा वाढविण्याचे नियोजन आहे. याशिवाय तालुकास्तरावर ऑक्सिजन निर्मिती प्लांट उभारण्याचे प्रस्तावित आहे.
००००००
प्रशासकीय यंत्रणा तयार
ऑक्सिजन...
ऑक्सिजनची कमतरता राहू नये, याकरिता वाशिम येथे तीन व कारंजा येथे एक ऑक्सिजन निर्मिती प्लांट साकारला आहे. याशिवाय वाशिम, मंगरूळपीर, रिसोड व मालेगाव येथे प्रत्येकी एक प्लांट प्रस्तावित आहे.
०००
ऑक्सिजन बेड
जिल्हा कोविड हॉस्पिटल तसेच कारंजा उपजिल्हा रुग्णालय येथे आणखी १२५ ऑक्सिजन बेड वाढविण्याचे नियोजन आहे.
००
कोविड केअर सेंटर
जिल्ह्यात सध्या आठ कोविड केअर सेंटर आहेत. तिसऱ्या लाटेत तालुकास्तरावर आणखी काही कोविड सेंटर वाढविण्याचे नियोजन आहे.
०००
औषधी
रेमडेसिविर इंजेक्शन यासह अन्य आवश्यक औषधसाठा सध्या उपलब्ध होत आहे. मागणीनुसार औषधसाठा उपलब्ध होईल, याचे नियोजन आहे.
००००
कोठे किती बेड वाढविण्याची तयारी
वाशिम ७५
कारंजा ५०
(याशिवाय संभाव्य रुग्णसंख्या पाहून अन्य ठिकाणीदेखील बेड वाढविण्याचे नियोजन राहणार आहे.)
००००
नियोजनाला प्राधान्य...
कोट ..
संभाव्य तिसरी लाट रोखण्यासाठी वरिष्ठांच्या मार्गदर्शनात ऑक्सिजन बेड, ऑक्सिजन निर्मिती प्लांट, कोविड केअर सेंटर आदींचे नियोजन केले जात आहे.
- डॉ. मधुकर राठोड,
जिल्हा शल्य चिकित्सक, वाशिम.