यवतमाळ : येथील जिल्हा न्यायालयातील आठ क्रमांकाच्या न्यायालयासमाेर महिलेने पूर्वाश्रमीच्या प्रियकरावर कटरने हल्ला केला. ही घटना बुधवारी दुपारी घडली. हा प्रकार घडला तेव्हा काेर्ट पैरवी अधिकारी तेथे उपस्थित असल्याने माेठा अनर्थ टळला. त्यांनी शहर पाेलिसांना पाचारण करून हल्ला करणाऱ्या महिलेला त्यांच्या ताब्यात दिले. दरम्यान, हल्ल्याची वार्ता पसरताच त्या परिसरात गर्दी जमा झाली हाेती.
विशाल माराेतराव शेंडे (४५, रा. शिंदेनगर, यवतमाळ) असे जखमीचे नाव आहे. हल्ला करणाऱ्या महिलेचे विशालसाेबत प्रेमसंबंध हाेते. दरम्यान, त्याचे संबंध महिलेच्या पतीला माहीत झाले. त्यामुळे महिलेविराेधात पतीने घटस्फाेटाचा खटला दाखल केला. तर दुसरीकडे विशालसाेबतही महिलेचा वाद झाला. यातून त्या दाेघांनी परस्परांविराेधात तक्रारी दाखल केल्या.
या प्रकरणात आठ क्रमांकाच्या न्यायालयात सुनावणी हाेती. न्यायालयासमाेर उभी असताना महिला अचानक संतप्त झाली आणि तिने स्वत:जवळ असलेल्या कटरने विशाल शेंडे याच्यावर वार करण्याचा प्रयत्न केला. मात्र, हा वार विशालच्या गालावर लागला. तेथे उपस्थित काेर्ट पैरवी रमेश उघडे यांनी प्रसंगावधान राखत हल्लेखाेर महिलेला ताब्यात घेतले. तेथे महिला पाेलिस पाेहाेचली, त्यामुळे पुढची घटना टळली.
या घटनेनंतर तेथे बघ्यांची गर्दी जमा झाली. घटनेची माहिती शहर पाेलिसांना देण्यात आली. पाेलिसांनी महिलेला ताब्यात घेतले. तर जखमी विशाल याला उपचारासाठी शासकीय रुग्णालयात नेण्यात आले. शहर पोलिसांनी महिला व तिच्या पतीविरोधात प्राप्त तक्रारीवरून गुन्हा दाखल केला आहे. यापूर्वीही परस्परांविरोधात गुन्हे नोंद असून प्रकरण न्यायप्रविष्ठ आहे.