ट्रेलरची दुचाकीला धडकलोकमत न्यूज नेटवर्कनेर : भरधाव ट्रेलरने दुचाकीला धडक दिल्याने झालेल्या अपघातात भाचा ठार तर मामा गंभीर जखमी झाला. ही घटना रविवारी सायंकाळी ५.३० वाजताच्या सुमारास कारंजा-नेर मार्गावरील खरडगाव शिवारात घडली. जय समाधान चौधरी (१०) असे मृत भाच्याचे नाव आहे. तर राजपाल लक्ष्मण इंदूरकर (२९) रा. खरडगाव असे गंभीर मामाचे नाव आहे. रविवारी सायंकाळी मामा-भाचे दुचाकीने शेतात जात होते. नेर-कारंजा मार्गावरून जात असताना समोरुन कारंजाकडून येणाऱ्या भरधाव ट्रेलरने (क्र.एम.एच.४०-वाय-९३४१) त्यांच्या दुचाकीला जबर धडक दिली. या धडकेत पाचवीत शिकणारा जय चौधरी जागीच ठार झाला. दुचाकीस्वार मामा राजपाल इंदूरकर गंभीर जखमी झाले. घटनेची माहिती मिळताच नेर पोलीस तातडीने घटनास्थळी दाखल झाले. त्यांनी ट्रेलर चालक अवधूत देशमुख (४०) याला ताब्यात घेतले. गंभीर जखमी राजपाल यांना तातडीने नेर व नंतर यवतमाळला हलविले. बंडू जामकर, रमेश हिरुळकर, गजानन देशपांडे, सचिन तंंबाखे पुढील तपास करीत आहे.
दुचाकी अपघातात भाचा ठार, मामा गंभीर
By admin | Published: July 03, 2017 1:56 AM