'तो पैसा नेमका कोणाचा?' परदेशी वृत्तपत्रांचा दाखला देत राहुल गांधींचा भाजपला थेट प्रश्न...

'अदानीच्या नेटवर्कद्वारे 1 अब्ज डॉलर भारताबाहेर गेले. गौतम अदानींना आपल्या अर्थव्यवस्थेत फायदे का दिले जात आहेत?'

मुंबई- विरोधकांच्या INDIA आघाडीची मुंबईत बैठक होत आहे. यावेळी काँग्रेस नेते राहुल गांधी (Rahul Gandhi) यांनी पत्रकार परिषद घेतली, यात त्यांनी पुन्हा एकदा उद्योगपती गौतम अदानी (Gautam Adani) आणि पंतप्रधान नरेंद्र मोदी (Narendra Modi) यांच्यातील कथिक संबंधांवर भाष्य केले. यावेळी त्यांनी परदेशी वृत्तपत्रांमध्ये छापून आलेल्या बातम्यांचा दाखलाही दिला. 

#WATCH | In Mumbai, Congress MP Rahul Gandhi raises the Adani Group row.

He says, "What is amazing to me is that the gentleman who has done the investigation is today an employee of Mr Adani. What does that tell you about the nature of the investigation that the gentleman did?… pic.twitter.com/mp5aJbNcu9

— ANI (@ANI) August 31, 2023

यावेळी राहुल गांधी म्हणाले की, G-20 परिषद देशासाठी महत्त्वाची आहे, मात्र देशात पारदर्शकता असणे आवश्यक आहे. गौतम अदानीबाबत आज काही खुलासे झाले आहेत, त्यामुळे देशाच्या प्रतिमेवर परिणाम होत आहे. देशाबाहेर पैसा पाठवला जातोय, हा पैसा नेमका कोणाचा आहे? काही वृत्तपत्रांनी अत्यंत गंभीर खुलासे केले आहेत. वृत्तपत्र दाखवत राहुल गांधी म्हणाले की, हा पैसा कोणाचा, अदानींचा की दुसऱ्याचा?

#WATCH | "...It is very important that the Prime Minister of India Mr Narendra Modi clears his name and categorically explains what is going on. At the very least, A JPC should be allowed and a thorough investigation should take place. I don't understand why the PM is not forcing… pic.twitter.com/nMQiIpH9FW

— ANI (@ANI) August 31, 2023

गांधी पुढे म्हणाले, आम्हाला जगाला सांगायचय की, आमची अर्थव्यवस्था पारदर्शक आहे. आमच्याकडे सर्वांना समान संधी आहे. मग पंतप्रधान मोदींनी असे का करावे? पंतप्रधान जेपीसीची मागणी का मान्य करत नाहीत, तपास का टाळत आहेत? पंतप्रधानांच्या जवळ असलेल्या अदानींना आपल्या अर्थव्यवस्थेत फायदे का दिले जात आहेत? असा सवालही त्यांनी यावेळी केला.

#WATCH | In Mumbai, Congress MP Rahul Gandhi says, "The first question arises - whose money is this? Is it Adani's or someone else's? The mastermind behind this is a gentleman called Vinod Adani who is the brother of Gautam Adani. There are two other people who are involved in… pic.twitter.com/fTjSiJfvYE

— ANI (@ANI) August 31, 2023

अदानीच्या नेटवर्कद्वारे 1 अब्ज डॉलर भारताबाहेर गेले आणि नंतर तेच परत आले. यातूनच त्यांनी देशात स्वत:ची वाढ केली. आता त्यांना धारावीचा प्रकल्पही मिळाला आहे. हा कोणाचा पैसा गुंतवला जातोय? अदानींच्या भावासह दोन परदेशी आपल्या शेअर बाजारावर कसा प्रभाव टाकत आहेत? यावेळी त्यांनी दोन परदेशी व्यक्तींचे नावेही सांगितली. तसेच, अदानी कुटुंबाने आपल्या शेअरमध्ये स्वत:चे पैसे गुंतवून गैरव्यवहार केल्याचा आरोप यावेळी त्यांनी लावला. 

#WATCH | On Special Session of Parliament, Congress MP Rahul Gandhi says, "I think maybe it is an indicator of a little panic. Same type of panic that happened when I spoke in Parliament House, panic that suddenly made them revoke my Parliament membership. So, I think it is panic… pic.twitter.com/Qr9iFVcJWu

— ANI (@ANI) August 31, 2023

ते पुढे म्हणाले, सेबीने या प्रकरणात तपास केला, ज्यांनी क्लिनचीट दिली, ते अदानींच्या चॅनलचे डिरेक्टर आहेत. याचाच अर्थ हे एक नेटवर्क आहे. सेबीचा चेअरमन क्लीनचीट देतो आणि नंतर अदानी यांच्या कंपनीत डायरेक्टर बनतो. या सर्व घडामोडींवर पंतप्रधान नरेंद्र मोदी काहीच का करत नाहीत? नरेंद्र मोदी आणि अदानी यांचे चांगले संबंध आहेत, अशी माहिती वृत्तपत्रातून येते. मोदींनी याविषयी माहिती द्यावी. ईडी अदानींवर रिसर्च का करत नाही? असा सवालही त्यांनी यावेळी केला.