'बाबा, भारतासाठी तुमची जी स्वप्ने होती...'; राहुल गांधींनी लडाखमध्ये राजीव गांधी यांना वाहिली श्रद्धांजली

काँग्रेस नेते राहुल गांधी यांनी लडाखमधील १४२७० फूट उंचीवर असलेल्या पैंगात्सो तलावाच्या काठावर भारताचे माजी पंतप्रधान राजीव गांधी यांना श्रद्धांजली वाहिली

आज देशाचे माजी पंतप्रधान राजीव गांधी यांची जयंती आहे. दरम्यान, काँग्रेस नेते राहुल गांधी यांनी लडाखमधील १४२७० फूट उंचीवर असलेल्या पंगत्सो तलावाच्या काठावर राजीव गांधी यांना श्रद्धांजली वाहिली. कालच राहुल गांधी हे बाईकवरुन लडाख येथे पोहोचले आहेत. 

स्मृती इराणी टॉमेटो दरवाढीच्या प्रश्नावर भडकल्या; अँकरला तुरुंगाची आठवण केली

जम्मू-काश्मीर काँग्रेस कमिटीचे अध्यक्ष विकास रसूल वली म्हणाले की, राजीव गांधींनी देशासाठी बलिदान दिले. त्यांच्या स्मरणार्थ आम्ही येथे जमलो आहोत. 

सोशल मीडिया प्लॅटफॉर्मवर आपल्या वडिलांचे स्मरण करताना राहुल गांधींनी लिहिले, पापा, भारतासाठी तुमच्या डोळ्यातील स्वप्ने या अनमोल आठवणींनी भरून गेली आहेत. तुमच्या जखमा हा माझा मार्ग आहे - प्रत्येक भारतीयाचा संघर्ष आणि स्वप्ने समजून घेणे, भारत मातेचा आवाज ऐकणे.

श्रद्धांजलीनंतर राहुल गांधी यांनी चिनी घुसखोरीवर बोलताना म्हणाले की, इथे सगळे म्हणत आहेत की चिनी सैन्य घुसले आहे. पंतप्रधान म्हणतात की इथे कोणी आलेले नाही जे खरे नाही. इथे कोणाला विचाराल, तेच म्हणतील. भारत जोडो यात्रेदरम्यान आम्हाला येथे यायचे होते, पण काही कारणांमुळे आम्ही येथे येऊ शकलो नाही.

"लडाखच्या लोकांच्या अनेक तक्रारी आहेत. लडाखला मिळालेल्या दर्जावर लोक खूश नाहीत. लोकांना प्रतिनिधित्व हवे आहे. राज्य नोकरशाहीने चालवू नये, ते जनतेच्या आवाजाने चालवले पाहिजे, असे लोक म्हणत आहेत, असंही राहुल गांधी म्हणाले.

राहुल गांधी सध्या लडाखच्या दौऱ्यावर आहेत. ५ ऑगस्ट २०१९ रोजी जम्मू आणि काश्मीरमधून कलम 370 रद्द केल्यानंतर आणि राज्याची केंद्रशासित प्रदेशात पुनर्रचना झाल्यानंतर राहुल गांधी यांचा हा पहिला लडाख दौरा आहे. पुढच्या आठवड्यात ते कारगिलला जाणार आहेत, तिथे पुढच्या महिन्यात हिल कौन्सिलच्या निवडणुका होणार आहेत.

#WATCH | Congress MP Rahul Gandhi pays tribute to his father and former Prime Minister Rajiv Gandhi on his birth anniversary from the banks of Pangong Tso in Ladakh pic.twitter.com/OMXWIXR3m2

— ANI (@ANI) August 20, 2023