प्रयागराजमध्ये प्रियंका गांधी यांचे दुर्गावतारातील पोस्टर्स

प्रयागराजमध्ये सध्या भक्तिमय वातावरणासहीत राजकारणाचेही जोरदार वारे वाहू लागले आहेत. कुंभ स्नानासाठी येण्यापूर्वीच येथे प्रियंका गांधींचे पोस्टर्स ठिकठिकाणी लावण्यात येत आहेत.

ठळक मुद्देप्रियंका गांधी यांचे दुर्गा अवतारातील पोस्टरप्रयागराजमध्ये काँग्रेस कार्यकर्त्यांनी लावले पोस्टर्स

प्रयागराजमध्ये सध्या भक्तिमय वातावरणासहीत राजकारणाचेही जोरदार वारे वाहू लागले आहेत. कुंभ स्नानासाठी येण्यापूर्वीच येथे प्रियंका गांधींचे पोस्टर्स ठिकठिकाणी लावण्यात येत आहेत. काही दिवसांपूर्वीच ''गंगा की बेटी'' अशा आशयाच्या लावण्यात आलेल्या पोस्टरनंतर आता प्रियंका गांधी यांना दुर्गा अवतारात दाखवण्यात आले आहे. या पोस्टरमध्ये प्रियंका गांधी महिषासुराचा वध करताना दिसत आहे. 

प्रियंका गांधी यांचे दुर्गा अवतारातील पोस्टर काँग्रेस नेते इरशाद उल्लाह आणि अनिल चौधरी यांनी लावले आहेत. या पोस्टरवर काँग्रेस अध्यक्ष राहुल गांधी यांचाही फोटो आहे. शिवाय, पोस्टरवर महिला सुरक्षा, महागाई, रोजगार, शेतकऱ्यांची कर्जमाफी, राम मंदिर, मुस्लिम-दलित सुरक्षा यांसारखे मुद्यांचाही उल्लेख करण्यात आला आहे. 

2014च्या लोकसभा निवडणुकीदरम्यान भाजपाकडून करण्यात आलेल्या पोस्टरबाजीमध्ये पंतप्रधान नरेंद्र मोदी यांचा ''गंगा का बेटा'' असा उल्लेख करण्यात आला होता. आता काँग्रेस कार्यकर्त्यांनी प्रियंका गांधी यांचा ''गंगा की बेटी'', असा उल्लेख करत बॅनरबाजी करण्यास सुरुवात केली आहे.