No Confidence Motion: ... म्हणून हरसिमरत कौर राहुल गांधींकडे पाहून हसल्या! 

पंतप्रधान नरेंद्र मोदींना चिमटा काढणारे काँग्रेस अध्यक्ष राहुल गांधी यांच्या विधानाचा हरसिमरत यांनी समाचार घेतला आहे.

नवी दिल्लीः 'फक्त विरोधकच नव्हे, तर सत्ताधाऱ्यांनीही माझ्या भाषणाचं कौतुक केलं. केंद्रीय मंत्री हरसिमरत कौरही माझ्याकडे पाहून हसताहेत. कारण ज्या भावना माझ्या मनात आहेत, त्याच त्यांच्याही मनात आहेत', अशी टिप्पणी करत पंतप्रधान नरेंद्र मोदींना चिमटा काढणारे काँग्रेस अध्यक्ष राहुल गांधी यांच्या विधानाचा हरसिमरत यांनी समाचार घेतला आहे. राहुल यांच्याकडे पाहून आपण का हसलो, याचा खुलासाही त्यांनी केला.  

अविश्वास प्रस्तावावरील चर्चेदरम्यान, राहुल गांधींनी पंतप्रधान नरेंद्र मोदी आणि संरक्षणमंत्री निर्मला सीतारामन यांच्यावर गंभीर आरोप केले. त्यात काही तथ्य नसल्याचा दावा करत भाजपा खासदार आक्रमक झाले. त्यामुळे सभागृहाचं कामकाज तहकूब करावं लागलं होतं. त्यानंतर, कामकाज पुन्हा सुरू झालं, तेव्हा राहुल गांधींनी हरसिमरत कौर यांचा उल्लेख केला. सभागृह तहकूब असताना सत्ताधाऱ्यांनीही माझं अभिनंदन केलं, हरसिमरत कौर माझ्याकडे पाहून हसल्या, असं ते म्हणाले होते. त्याबाबत विचारलं असता, पंजाबी नागरिकांना व्यसनाधीन म्हणणारे आज स्वतः काय खाऊन आले आहेत?, असं विचारताना आपल्याला हसू आल्याचं त्यांनी सांगितलं. 

राहुल गांधी यांनी पंतप्रधान नरेंद्र मोदींची गळाभेट घेणं हे निव्वळ नाटक असल्याचा टोलाही हरसिमरत यांनी लगावला. 

#WATCH: Union Minister Harsimrat Kaur Badal says,"I asked Rahul Gandhi aaj kaunsa karke aaye hai? Because he had earlier called Punjabis 'nashedis'. #NoConfidenceMotionpic.twitter.com/HiCsCVnCVb

— ANI (@ANI) July 20, 2018