लोकसभेतील गदारोळानंतर दानिश अलींना भेटण्यासाठी राहुल गांधी पोहोचले घरी; बसप खासदार झाले भावूक
By ऑनलाइन लोकमत | Published: September 22, 2023 09:30 PM2023-09-22T21:30:23+5:302023-09-22T21:35:02+5:30
भाजप खासदार रमेश बिधुडी यांनी लोकसभेत चंद्रयान-3 वरील चर्चेदरम्यान बसपा खासदार दानिश अली यांच्याविरोधात आक्षेपार्ह शब्द वापरले होते.
लोकसभेतील गदारोळानंतर दानिश अलींना भेटण्यासाठी राहुल गांधी पोहोचले घरी; बसप खासदार झाले भावूक
Next भाजप खासदार रमेश बिधुडी यांनी बसपा खासदार दानिश अली यांच्यावर केलेल्या आक्षेपार्ह वक्तव्यामुळे राजकारण चांगलेच तापले आहे. बिधुडी यांच्या वक्तव्यावर चौफेर टीका होत असतानाच काँग्रेसचे नेते राहुल गांधी शुक्रवारी दानिश अली यांच्या घरी त्यांची भेट घेण्यासाठी दाखल झाले. यावेळी त्यांच्यासोबत काँग्रेसचे सरचिटणीस केसी वेणुगोपाल आणि खासदार इम्रान प्रतापगढ़ीही होते.
दानिश अली यांची भेट घेतल्यानंतर राहुल गांधी यांनी माध्यमांशी संवाद साधला. राहुल गांधी म्हणाले, द्वेषाच्या बाजारात प्रेमाचे दुकान सुरू होत आहे. राहुल गांधींनी भेट घेतल्यानंतर दानिश अली भावूक झाले आणि म्हणाले की, राहुल यांना भेटल्यानंतर मला वाटले की ते एकटे नाहीत.राहुल गांधी मला प्रोत्साहन देण्यासाठी इथे आले होते. या गोष्टी मनावर घेऊ नका आणि तब्येतीची काळजी घ्या असंही राहुल गांधी मला म्हणाले. त्यांच्या बोलण्याने मला आराम वाटला आणि मी एकटी नाही हे चांगले वाटले, असंही दानिश अली म्हणाले.
दानिश अली म्हणाले की, हे विधान माझ्यावर हल्ला नसून लोकशाही आणि संविधानावर हल्ला आहे. अमृतकाळात रस्त्यावर आणि आता नव्या संसदेतही द्वेषाची दुकाने उघडली जात आहेत, हे खेदजनक आहे. लोकसभा आमची रक्षक आहे.
भाजपने केली कारवाई!
लोकसभेत बहुजन समाज पक्षाचे खासदार दानिश अली यांच्या विरोधात आक्षेपार्ह वक्तव्य केल्याबद्दल भाजपने भाजप खासदार रमेश बिधूडी यांना कारणे दाखवा नोटीस बजावली आहे. याआधी लोकसभा अध्यक्षांनी नाराजी व्यक्त करत त्यांच्या वर्तनावर कठोर कारवाईचा इशारा दिला होता.
भाजपचे अध्यक्ष जेपी नड्डा यांच्या सूचनेवरून भाजपने रमेश बिधूडी यांच्याविरोधात कारणे दाखवा नोटीस बजावली असून त्यांना १५ दिवसांत उत्तर देण्यास सांगितले आहे. दरम्यान, बसपा खासदार दानिश अली यांनी भाजप खासदार रमेश बिधूडी यांच्या विरोधात लोकसभा अध्यक्षांना विशेषाधिकार नोटीस दिली होती आणि हे प्रकरण विशेषाधिकार समितीकडे चौकशी आणि कारवाईसाठी पाठवण्याची विनंती केली होती.