Rahul Gandhi : "भ्रष्टाचारात बुडालेल्या भाजपाची सत्तेसाठी लोकशाही उद्ध्वस्त करण्याची मोहीम; ED, CBI आता..."
By ऑनलाइन लोकमत | Published: February 1, 2024 10:16 AM2024-02-01T10:16:06+5:302024-02-01T10:31:26+5:30
Rahul Gandhi Slams BJP Over Hemant Soren : काँग्रेस नेते राहुल गांधी यांनी भाजपावर जोरदार हल्लाबोल केला आहे.
Rahul Gandhi : "भ्रष्टाचारात बुडालेल्या भाजपाची सत्तेसाठी लोकशाही उद्ध्वस्त करण्याची मोहीम; ED, CBI आता..."
ईडीने हेमंत सोरेन यांच्यावर जमीन घोटाळ्याप्रकरणी अखेर अटकेची कारवाई केली आहे. ईडीकडून अटकेच्या हालचाली सुरू झाल्यानंतर हेमंत सोरेन यांनी राज्यपालांकडे जात मुख्यमंत्रिपदाचा राजीनामा दिला. राजीनामा देऊन सोरेन हे घरी पोहोचताच ईडीने त्यांना अटक केली. याच दरम्यान काँग्रेस नेते राहुल गांधी यांनी भाजपावर जोरदार हल्लाबोल केला आहे.
ईडी, सीबीआय आणि आयटी आता भाजपाचे साथीदार झाले आहेत असं म्हणत निशाणा साधला आहे. राहुल गांधी यांनी आपल्या ट्विटर अकाऊंटवरून याबाबत ट्विट केलं आहे. "ईडी, सीबीआय, आयटी इत्यादी आता सरकारी संस्था नाहीत. आता ते भाजपाचा विरोधी पक्षाला मिटवण्याचा सेल बनले आहे. स्वतः भ्रष्टाचारात बुडालेला भाजपा सत्तेसाठी लोकशाही उद्ध्वस्त करण्याची मोहीम राबवत आहे" असं म्हणत राहुल गांधी यांनी टीकास्त्र सोडलं.
ED, CBI, IT आदि अब सरकारी एजेंसियां नहीं रहीं, अब यह भाजपा की ‘विपक्ष मिटाओ सेल’ बन चुकी हैं।
— Rahul Gandhi (@RahulGandhi) January 31, 2024
खुद भ्रष्टाचार में डूबी भाजपा सत्ता की सनक में लोकतंत्र को तबाह करने का अभियान चला रही है।
प्रियंका गांधी यांनी देखील यावर प्रतिक्रिया दिली आहे. आपल्या ट्विटर अकाऊंटवरून ट्विट केलं आहे. "विरोधमुक्त संसद, लोकशाहीमुक्त भारत, प्रश्नमुक्त मीडिया आणि सुसंवादमुक्त जनता - हे भाजपा सरकारचं ध्येय आहे. सर्व राज्यांमध्ये एक एक करून सरकार पाडलं जात आहे. विरोधी पक्षनेत्यांना त्रास दिला जात आहे. जो भाजपामध्ये सामील होणार नाही तो तुरुंगात जाईल."
"झारखंडचे मुख्यमंत्री हेमंत सोरेन यांच्या मागे ईडी लावून त्रास देणं आणि त्यांना राजीनामा देण्यास भाग पाडणं हे याच दुर्भावनापूर्ण मोहिमेचा भाग आहे. 140 कोटी जनतेचा आवाज दाबून टाकू शकतो हा भाजपाचा भ्रम आहे. जनता प्रत्येक अत्याचाराला उत्तर देईल" असं म्हणत प्रियंका गांधी यांनी खोचक टीका केली आहे.
विपक्ष मुक्त संसद, लोकतंत्र मुक्त भारत, सवाल मुक्त मीडिया और सौहार्द मुक्त जनता - भाजपा सरकार का यही लक्ष्य है।
सारे राज्यों में एक-एक करके सरकारें गिराई जा रही हैं। विपक्षी नेताओं को प्रताड़ित किया जा रहा है। जो भाजपा में नहीं जाएगा, वह जेल जाएगा।
झारखंड के मुख्यमंत्री श्री…— Priyanka Gandhi Vadra (@priyankagandhi) January 31, 2024