वेगळ्या काश्मीरची मागणी करणाऱ्या संघटनेशी सोनिया गांधींचा संबंध; भाजपच्या आरोपांनी खळबळ

जॉर्ज सोरोस यांच्याशी संबंधित संस्थेशी सोनिया गांधींचेही संबंध असल्याचा आरोप भाजपने केला आहे.

Sonia Gandhi : काँग्रेसच्या माजी अध्यक्षा सोनिया गांधी या काश्मीरला भारतापासून वेगळे करण्याचे विचार मांडणाऱ्या संघटनेशी संबंधित असल्याचा आरोप भाजपने  केला आहे. फोरम ऑफ डेमोक्रॅटिक लीडर्स इन एशिया पॅसिफिक असे या संघटनेचे नाव आहे आणि सोनिया गांधी त्याच्या सह-अध्यक्ष आहेत, असं  भाजपने त्यांच्या सोशल मीडिया प्लॅटफॉर्मवर म्हटले आहे. त्यामुळे आता या आरोपांवरुन काँग्रेसकडून जोरदार टीका होण्याची शक्यता आहे. दुसरीकडे, संसदेच्या अधिवेशनातही याचे पडसाद उमटण्याची शक्यता आहे.

भाजपन काँग्रेसच्या माजी अध्यक्षा सोनिया गांधी यांच्यावर जॉर्ज सोरोस फाऊंडेशनशी संबंध असल्याचा आरोप केला आहे. परकीय शक्ती भारताच्या अंतर्गत बाबींमध्ये कसा हस्तक्षेप करत आहेत, हे या सहकार्यातून दिसून येते, असे भाजपने म्हटले आहे. भाजप ज्या संस्थेचे नाव घेतलं आहे त्या संस्थेला फाउंडेशनकडून काश्मीर भारतापासून वेगळे करण्याच्या कल्पनेला समर्थन देणाऱ्या संघटनेला मदत मिळते.

काँग्रेसच्या माजी अध्यक्षा सोनिया गांधी यांचा एफडीएल-एपी फाऊंडेशनच्या सह-अध्यक्ष या नात्याने जॉर्ज सोरोस फाऊंडेशनशी संबंध असल्याचा आरोप करण्यात आला आहे. ही संघटना काश्मीरला वेगळा स्वतंत्र देश मानते, असे या पोस्टमध्ये म्हटले आहे. देशातील सर्वात जुना पक्ष देशालाच तोडणाऱ्या विचारसरणीशी संबंधित असल्याने या प्रकरणाचे गांभीर्य अधोरेखित होते. हे भारताच्या अंतर्गत बाबींवर परकीय घटकांचा प्रभाव आणि अशा संबंधांचा राजकीय प्रभाव देखील दर्शवते, असंही भाजपने म्हटलं आहे.

"काँग्रेसच्या राजीव गांधी फाऊंडेशनलाही जॉर्ज सोरोस फाऊंडेशनकडून निधी मिळाला आहे. हा फंडा भारताची बदनामी करण्यासाठी वापरला जात आहे. राहुल गांधी अनेकवेळा ऑर्गनाइज्ड क्राइम अँड करप्शन रिपोर्टिंग प्रोजेक्टच्या अहवालाचा हवाला देऊन केंद्र सरकारवर हल्ला करतात. ओसीसीआरपीला जॉर्ज सोरोसकडून निधी मिळतो. हे दोघेही काँग्रेससह भारताची अर्थव्यवस्था कमकुवत करण्याचा आणि मोदी सरकारला बदनाम करण्याचा प्रयत्न करत आहेत," असे दोन आरोप करण्यात आले आहेत.

This thread underlines a connection between the Congress party and George Soros, implying their shared goal of diminishing India's growth.

Sonia Gandhi, as the Co-President of the FDL-AP Foundation, is linked to an organisation financed by the George Soros Foundation.

Notably,… pic.twitter.com/q9mrJ1lY3h

— BJP (@BJP4India) December 8, 2024

दरम्यान, अमेरिकेने भारतीय उद्योगपती अदानी यांच्यावर केलेल्या आरोपांवरुन काँग्रेसने सरकारवर टीका केली होती. त्यावरूनही भाजपने राहुल गांधींवर निशाणा साधला आहे. अदानी मुद्द्यावर राहुल गांधी यांनी घेतलेली पत्रकार परिषद जॉर्ज सोरोस यांच्या निधीतून चालवलेल्या संस्थेने थेट दाखविल्याचे भाजपने म्हटले आहे. यावरून काँग्रेस आणि जॉर्ज सोरोस यांच्यातील संबंध किती घट्ट आहेत आणि भारतासाठी किती धोकादायक आहेत हे दिसून येते. भारताची अर्थव्यवस्था रुळावर आणण्यासाठी ते किती उत्सुक आहे हे यावरून दिसून येते. इतकेच नाही तर काँग्रेस खासदार शशी थरूर यांनी जॉर्ज सोरोस यांना त्यांचे जुने मित्रही म्हटले आहे, असा आरोप भाजपने केला.