तेलंगणासाठी काय केले ते आधी सांगा, काँग्रेस नेते राहुल गांधी यांचे आव्हान

Telangana Assembly ELection 2023: काँग्रेसने तेलंगणासाठी काय केले, असे विचारण्यापूर्वी आपण या राज्यासाठी काय केले ते आधी लोकांना सांगा, असा टोला काँग्रेस नेते राहुल गांधी यांनी बीआरएसचे अध्यक्ष व  राज्याचे मुख्यमंत्री के. चंद्रशेखर राव यांना लगावला.  

अंडोले - काँग्रेसने तेलंगणासाठी काय केले, असे विचारण्यापूर्वी आपण या राज्यासाठी काय केले ते आधी लोकांना सांगा, असा टोला काँग्रेस नेते राहुल गांधी यांनी बीआरएसचे अध्यक्ष व  राज्याचे मुख्यमंत्री के. चंद्रशेखर राव यांना लगावला.  

राहुल गांधी येथे एका प्रचारसभेत बोलत होते. पैसा कमावणारे सर्व विभाग राव कुटुंबीयांकडे असून, केसीआर देशातील सर्वात भ्रष्ट सरकार चालवत आहेत, असा आरोप त्यांनी केला. राज्यात काँग्रेसचे सरकार आल्यास पहिल्याच मंत्रिमंडळ बैठकीतच पक्षाने दिलेल्या ‘सहा हमी’चे कायद्यात रूपांतर करून त्याची अंमलबजावणी केली जाईल, असे ते म्हणाले. 

सरंजाम व प्रजला सरकारमध्ये लढत
nआज तेलंगणात दोराला सरकार (सरंजाम सरकार) आणि प्रजला सरकार (लोकांचे सरकार) यांच्यात लढत आहे. 
nकाँग्रेसने काय केले, असे तुमचे मुख्यमंत्री विचारत आहेत. प्रश्न काँग्रेसने काय केले हा नाही, प्रश्न केसीआरने काय केले हा आहे. 
nजिथून राव करोडो रुपयांची लूट करत आहेत, ते हैदराबाद शहर काँग्रेसने विकसित केले आणि त्याला आयटी हब बनवले.