प्रश्न: विवाह कधी करणार? राहुल गांधी म्हणाले, आता लवकरच करावा लागेल...

राहुल गांधी पुढच्या महिन्यात ५४ वर्षांचे होणार आहेत. 

रायबरेली : उत्तर प्रदेशात रायबरेली लोकसभा मतदारसंघात सोमवारी पहिली प्रचार सभा घेतल्यानंतर त्याला नेहमीचा अपेक्षित प्रश्न विचारण्यात आला, तुम्ही विवाह कधी करणार? त्यावर त्यांनी उत्स्फूर्त उत्तर दिले की, आता लवकरच विवाह करावा लागेल.

रायबरेलीमधील आपले भाषण संपल्यावर राहुल गांधी यांनी आपल्या भगिनी प्रियांका गांधी यांना व्यासपीठावर बोलाविले. ते म्हणाले की, मी निवडणुकीच्या प्रचारासाठी देशात विविध ठिकाणी जात आहे. माझी भगिनी प्रियांका या रायबरेली मतदारसंघात तळ ठोकून आहेत. या मतदारसंघातील माझ्या प्रचाराचे त्या नियोजन करीत आहेत. मी त्यांचे आभार मानतो. 

प्रश्नकर्ता आणि राहुल गांधी यांच्यात असा झाला संवाद

त्यानंतर सभेला उपस्थित असलेल्यांपैकी एका व्यक्तीने विचारलेल्या प्रश्नाचे उत्तर द्या, असे प्रियांका गांधी यांनी राहुल गांधी यांना सांगितले. राहुल यांनी काय प्रश्न आहे, अशी चौकशी करताच तुम्ही विवाह कधी करणार? असे एका व्यक्तीने विचारले. त्यावर राहुल गांधी म्हणाले की, आता लवकरच विवाह करावा लागेल. राहुल गांधी पुढच्या महिन्यात ५४ वर्षांचे होणार आहेत.