पत्नीला वडिलांसोबत संबंध ठेवताना पाहून संतापला पती, कुऱ्हाडीने दोघांचेही केले तुकडे

Madhya Pradesh Crime News : शुक्रवारी रात्री संतोष लोधीने आपले वडील अमन लोधी(६५) आणि पत्नी कविता(३२)ची कुऱ्हाडीने तुकडे करत हत्या केली.

मध्य प्रदेशच्या जबलपूर जिल्ह्यात एका तरूणाने आपल्या वडिलांची आणि पत्नी हत्या केल्याची धक्कादायक घटना समोर आली आहे.

रिपोर्ट्सनुसार, आपल्या वडिलांना आणि पत्नीला त्याने आक्षेपार्ह स्थितीत पाहिलं होतं. त्यानंतर संतापलेल्या ३५ वर्षीय तरूणाने दोघांची कुऱ्हाडीने हत्या केली.

दोघांचीही हत्या केल्यानंतर तरूणाने याची माहिती आपल्या काकांना स्वत: घरी जाऊन दिली. त्यानंतर कुऱ्हाड घेऊन आपल्या घराच्या दरवाज्यात बसून राहिला. पोलिसांनी आरोपीला त्याच्या घराच्या उंबरठ्यावरून अटक केली.

अतिरिक्त पोलीस अधिक्षक एस.एस. बघेल यांनी शनिवारी सांगितलं की, ही घटना गोकलाहार गावातील आहे.

शुक्रवारी रात्री संतोष लोधीने आपले वडील अमन लोधी(६५) आणि पत्नी कविता(३२)ची कुऱ्हाडीने तुकडे करत हत्या केली.

पोलीस अधिकारी म्हणाले की, चौकशी दरम्यान संतोषने पोलिसांना सांगितलं की, घरात वडील आणि पत्नीला त्याने शारीरिक संबंध ठेवताना पाहिलं होतं.

हा सगळा प्रकार पाहिल्यावर तो चांगलाच संतापला होता. तो रागावर नियंत्रण ठेवू शकला नाही आणि त्याने दोघांचीही हत्या केली.

एस.एस.बघेल म्हणाले की, आरोपीच्या एका नातेवाईकाने पोलिसांना या घटनेची सूचना दिली.

पोलिसांनी एका रूममध्ये रक्ताच्या थारोळ्यात दोन मृतदेह आढळून आले. तर आरोपी घराच्या उंबरठ्यावर बसला होता.

ते म्हणाले की, दोन्ही मृतदेह पोस्टमार्टमसाठी पाठवण्यात आले आहेत. तर आरोपीला अटक करून प्रकरणाची चौकशी केली जात आहे.

आरोपी संतोष लोधी आणि कविता यांचं १५ वर्षाआधी लग्न झालं होतं. त्यांना एक १४ वर्षांचा मुलगा आणि १२ वर्षांची मुलगीही आहे. संतोषला अटक झाल्यावर त्याचे काका अर्जुन लोधी मुलांना सोबत आपल्या घरी घेऊन गेले.